JEREMIAH 42:5 - PATHIAN LEKHABU THIANGTHO (BSI)

⁵ Amau inle Jeremiah kiang in, “Lalpa, la Pathian in ka bawl ding ua nangma kiang ah a hun piak dungzui tak ah, ka bawl lo ngei ngei uh chun, Lalpa chu ei hetpi dik leh ginum hi mai hen la.

JEREMIAH 42:5 ပူးပေါင်းရင်းမြစ်များ

THILSIAM THU 31:50

“Ka chanute hi la hi’genthei ah, ka chanute hilo mi dang ji la nei chun, en in, kuama I kiang ah a umlo inle Pathian chu keima tawh nangma kikâl ah hiatpitu ahi,” a ti nalai a.

PAWTDAWNA THU 20:19

Mosi kiang in, “Nang in ka kiang un thu gen in, ngai ziang ing kau: Pathian vang ka kiang un thu gensak kin, thi kha’ng kau,” a tiu a.

PAWTDAWNA THU 20:7

Lalpa la Pathian min chu la sua tempot lo diu ahi; a min sua tempot taphot chu Lalpa’n thiamchang ah, suachâksak lo ding ahi ngal a.

JEREMIAH 42:20

la thi law’na hial ding un bawl khial kha’n lau. Nang un ka kiang ah, “Lalpa I Pathian kiang un ei dot piak inla, Lalpa I Pathian un a gen tapo chu ei hil inla, bawl ngal ing kau,” ti’n Lalpa la Pathian kiang un lei sawl ta’ngal un.

JEREMIAH 43:2

Hoshaiah chapa Azariah tawh, Kareah chapa Johanan tawh, amau gual tho ah mi khawksak bei zosia chun Jeremiah kiang in, “Zuau gen la hi. Lalpa I Pathian un ka kiang un, ‘Aigupta gam ah chêng dingin chia kiu in,’ ti dingin a hun sawl talojen hi;

JEREMIAH 43:4

Tichun, Kareah chapa Johanan leh, sepai pawl zosia ah hotute leh mipi zosia chun, Judai gam ah chêngden ding ti Lalpa thugen chu a mang nuam ta puau a.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

MALAKI 2:14

Nang unla, “Bang ziak ah ei pom lo a diam?” la tiu a. Nang leh la khangdawng lai ji kikâl ah hiatpitu chu Lalpa ahi’n, la koppi leh thuthung siam ah la ji ahi sapi’nle la lepbawl san tai.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

VAIHAWMTE 11:10

Chun, Gilead khua upate chun Jephthah kiang in, “Lalpa chu I kikâl ua hiatpitu in pang hen la; la gen gual gual chun bawl ing kau,” a tiu a.

1 SAMUEL 12:5

Ama chun a kiang un, “Ka khut in bangma ka bawlkhial a um puai ti la he tau a, Lalpa chu ei hiatpitu hi hen, a sathaunu’ ngei hile tu’ni’n ei hiatpitu hita hen,” ti’n a gen nalai a. Mipite chunle, “Ahi, ama chu ei hiatpitu ahi,” a ti tau hi.

1 SAMUEL 20:42

Ziaphatchun, Jonathan in David kiang ah chun, “Thamuang tak in chia ta’n, Lalpa chu nang leh keima kikâl leh, la suante tawh ka suante kikâl tiang ah ei hiatpitu hi zing ta hen, ti’n, Lalpa min in thuthung I la siam zo ta’ngâl a,” ti’n a gen a. David le a kipandok ah, a nusia ta’n; Jonathan le khawpi lam zuan in a chia tai.