JEREMIAH 42:2 - PATHIAN LEKHABU THIANGTHO (BSI)

² jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

JEREMIAH 42:2 ပူးပေါင်းရင်းမြစ်များ

1 LENGTE 13:6

Lengpa chun Pathian mi kiang ah chun, “Tu’hin, Lalpa la Pathian doisakna don inla, ka khut hi a pangai hisak kit dingin ei pauchap piak in,” ti’n a don a. Tichun, Pathian mi chun Lalpa kiang in a pauchap ah; tichun, lengpa khut chu a damkit ta’n, a ma’ gual kha a hung hi’kit tai.

SAM 119:170

Lungsiat in ka dotna la ma’n tung hen la; la thutiam dungzui in ei hukhing ta’n.

PAWTDAWNA THU 8:28

Tichun, Pharaoh chun, “Gamthip ah Lalpa la Pathian kiang ua kithawi dingin hun pawtsak ing ka; gamla la chia lo ding uh hi’ntin. Tichun, kei â dinginle ei dot piak un,” a tia.

PAWTDAWNA THU 9:28

Van-gi leh gialpi thupi takte hi a tawp theina dingin Lalpa kiang ah don in. Hun chiasak ta’ng ka tin, hun khâm ta pua’ng ka,” a tia.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 42:20

Thil tam tak a la mu ta maleh, a la ngaisak pua’n; a nakhang a vâk ta’n, himaleh, bangma a he diak puai.

JEREMIAH 15:11

Lalpa‘n zia gual hin a gen hi: La phatna dingin la hinna ka hun sukha, la buai lai leh la lungjin lai in la chung ah la mêlma dingte ka hun guat khum ahi.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 21:2

“Babulon Lengpa Nebukadrezar in ei do tâk mai hi, Lalpa‘n ei panpi dingin ei dot piak in; Lalpa‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 37:20

Tu’hin, lengpa ka Lalpa, lungsiat in ka thu gen hi ngai in; ka dotna hi lungsiat in ei ngaithâk piak inla, lekhazikpa Jonathan In ah thi den ding bep in ei sawl lut kit lo hial in,” ti in.

JEREMIAH 37:3

Lengpa Zedekiah chu Shelemiah chapa Jehukal tawh, Maaseiah chapa Zephaniah thiampu chu jawlnei Jeremiah kiang ah, “Lungsiat in Lalpa I Pathian kiang un ei pauchap piak in,” ti’n a vadotsak hi.

JEREMIAH 38:14

Lengpa Zedekiah in jawlnei Jeremiah chu a ko ah, Lalpa tempul lutna pathumna chun a valamtua a. Jeremiah kiang in lengpa chun, “Thil pakhat ka hun dot ding a um in, ka kiang ah bangma îmgu kin aw,” a tia.

JEREMIAH 40:15

Ziaphatchun, Kareah chapa Johanan chun a gukcha’n, Mizpah khua chun Gedaliah kiang in, “Lungsiat in, kuama het lo dingin, Nethaniah chapa Ishmael vathat dingin ei chiasak in aw. Ama’n bang ding ah nang hun that in, la kîm leh kiang ah Juda mi kikhawmte hi the’chek ah um in, Judai gam ah nutsia ah um sunte hi hi’mangthai ah um mai ding a hiu em?” ti’n a vagen a.

JEREMIAH 42:20

la thi law’na hial ding un bawl khial kha’n lau. Nang un ka kiang ah, “Lalpa I Pathian kiang un ei dot piak inla, Lalpa I Pathian un a gen tapo chu ei hil inla, bawl ngal ing kau,” ti’n Lalpa la Pathian kiang un lei sawl ta’ngal un.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

EZEKIEL 12:16

Himaleh, a ki’dak um dan uh namtin lak ah a gendaw theina ding un, a lak ua khenkhat, mi tawmcha chemjam ah kipat suakcha’n au; zia phat chuleh, Lalpa ka hi ti hun he ta’n au.

HOSEA 8:10

Nam dangte lak in kizuak maleu, tu’hin, amau chu hun ladok khawm ding ka hi. Leng leh lalte puak gik nuai in hun thuak gim pai ta’n au.

THIAMPUTE LEKHABU 26:22

Gam sahângte hun sawl ing ka tin, la lak ua la chateu hun tokmang in, la ganchateu hun ne zo in, nang uh hun hi’kiam intin, la lamlianteu le nutsia hung hita’n a.

AMOS 7:2

Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

NASEPTE 8:24

Simon in, “La thil gen uh bangma ka chung ah a tun lona dingin, nang un Lalpa kiang in ei pauchap piak un,” a tia.

DAN LEKHABU 28:62

Lalpa la Pathian thu la mat nop lo ziak un, tu’ma lam ah van ah aksi jat hial ah tamte kha, tawmcha bep hung hita’n lau.

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

DAN LEKHABU 4:27

Lalpa‘n nam tin lak ah hun thejak intin, namtin lak ah kipat a hun pui kit ding tawmcha bep suakcha ta’n lau.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 7:8

Israel mipite chun Samuel kiang in, “Lalpa ka Pathian kiang ua kei uh â ding ah pauchap chu chawl kin la; Philistinte thunuai ah kipat ei hukdok dingin ei dot piak zing in,” a tiu a.