JEREMIAH 42:18 - PATHIAN LEKHABU THIANGTHO (BSI)

¹⁸ Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

JEREMIAH 42:18 ပူးပေါင်းရင်းမြစ်များ

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

ISAI 30:3

Ziaziakchun, Aigupta vênbitna chu, la zachaknau hung hi’ntin, Aiguptate lîm la bêl uh chu la mualphonau hung hi’n a.

ISAI 65:15

La min uh chu hânsia lawkhum dingin, ka mi têlchuam kiang in nusia in la tiu in, tichun, Lalpa Pathian in hun that intin; maleh, a suakte chu vang min dang khat in ko in ah.

JEREMIAH 18:16

A gam uh tizat um tak leh, kumtuang ah mite cheksak khum in a siam tau hi. A haw kha tapo in a tizau a, a luchang uh a thin khum sek ui.

JEREMIAH 22:27

Himaleh, kile’kit a nop ma ma nau gam lam ah chun vang, kile’kit ta pua’n au.

JEREMIAH 23:40

Chuleh, la chung ah kumtuang mualpho’na tawh, zachatna hun tunsak ing ka tin, zia chu hetmil ni um ta pua’n a, ti in.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 29:22

A chung ua thil tung ziak tak ah chun, Judai gam ah kipat Babulon lam ah saltângte lak in, “Babulon lengpa chun Zedekiah tawh Ahab mei ah a em gual khan hun bawl ta hen,” ti hi hânsialaw’na paukam in hun mang ta’n au.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

JEREMIAH 44:12

Judai gam ah nutsia ah umsun te lak ah, Aigupta gam ah chia suk ah, vachên den gawte chu man ing ka tin, a leng un mangthai in au; Aigupta gam ah chun thi’n tiu in, chemjam leh kial in thigam in au; a lian pen ah kipat a neu pen tiang in, chemjam leh kial ah thigam intiu in; tichun, mite chilsek khum leh tizat, hânsia law khum leh nuizatbûk hita’n au.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

JEREMIAH 44:8

La vachênnau Aigupta gam ah pathian dangte kiang ah kithoina lân ah, bang ding ah la khut nasepteu ma ma ah ka lungnatna choktho la hiu em? Khawvel namtin lak ah hânsia law leh gensiat ah um dingin hun paitha ma ma ding ka hi em?

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

KÂ LATE 2:4

Mêlma gual in a thalpi a lawi ah, gâl gual in a changlam khut a pan tai; Zion chanu puanbûk ah, I kisuanpiu zosia chu a that gam ta’n; a lungnatna chu mei gual in a buntha tai.

KÂ LATE 2:6

A bawkchateu chu pal chim gual in a hi’chim ah; a biakbûk uh le a suksiat piak tai; Zion ah chun Lalpa‘n kût leh, sabbath nite ahi’bei in, a hachang thakna’n lal leh, thiampute a tun khum tai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 20:34

La kithejaknau namtin leh gam tin ah kipat in, khut hat tak lâmsa’n, ka lungnatna leibua’n hun puikhawm kit ing ka tin;

EZEKIEL 22:22

Dangka thîk hâltuina mei ah hâltui ahi gual in, nanghaw le a sung ah hâltui hi’n lau; tichun, Keima Lalpa hin ka lungnatna la chung un but khum ka hi ti he ta’n lau, ti’n a gen a.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

DANIAL 9:27

Ama’n hapta khat sung â dingin mi tampi tawh thuthung siam in au; hapta kimkhat zaw leh, kithoina leh thillatte hi’tawp ta’n a; ziate mun ah chun thilbuak bawlpa chung ah gawtna tung ding ah guatsa chu but khum ahi masia’n, thilbuak ki’dak um tak hun bawl ta’n a, ti in.

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

ZEKARIAH 8:13

Aw Judah Inkuan leh Israel Inkuante haw, nam tin lak ah hânsia dong ah la umnau ah kipat khan hun hukdok ing ka tin, maljawlna bulpi’n hun siam ding ka hi tai. Lau him him kiu inla, la khutteu chu hi’hat tau in.

KISIMNA LEKHABU 5:27

Thiampu’n numei chu tui a dawnsak phat leh, a la thanghuai ah, a pawsal chung ah thil a la hi’khial ta ahi ngei ngei chun, zia hânsia lawkhum tuikhâ chu a gilpi sung a lut suk phat leh a gilpi na vul vul intin, a sûl hung muat in, a naubu hung luangtha ta’n tin; tichun, mipite lak ah hânsia lawkhum in hung um ta ding ahi.

THUPUAN 14:10

ama chun Pathian lungnatna uain, bangma tawh hel lo, a lungnatna no ah kisung chu dawn intiu in, vansawlchâk thiangthote leh Belamno ma-âng in mei leh kât ah sukgenthei hi’n au.