JEREMIAH 42:14 - PATHIAN LEKHABU THIANGTHO (BSI)

¹⁴ “Ahipuai, Aigupta gam ah chia kit zaw phot ing kau, zia chun kidona he’pha talo in, pengkul mût git le he’pha talo in, gilkial, dangchâk ah thûm git het lona mun ah vaum mai ing kau,” la tiu chun;

JEREMIAH 42:14 ပူးပေါင်းရင်းမြစ်များ

PAWTDAWNA THU 16:3

Israelte chun a kiang un, “Aigupta gam ah sabêl bul ah ka chut lai uh leh vaithum vâ tak ah ka nêk lai ua khan, Lalpa khut in ei la thi sak ta kha hizaw mai leh aw! Gamthip ah gilkial ah thi dingin mipite hi lei pui lût a hita hilam,” a tiu a.

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 30:2

Kei uh dong lo in, Aigupta gam ah chia suk ding ah kipandok in, Pharaoh nuai ah vênbitna a hawl un, Aiguptate lîmbêl ding a vangaitua ui.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 4:21

Bang chan a hem kido’na puanjakte chu ka mu ah, pengkul gitte chu ka het ding?

JEREMIAH 41:17

Chun, a kipandok tau ah, Aigupta lam ah chia gua’n, Beth-lehem kiang ah Geruth Chimham mun ah chun a kichawl un;

JEREMIAH 43:7

Lalpa thu a ngai lo ziak un, Aigupta gam a hung tung tau a. Tichun, Tahpanhes khua chu a hung tung tau hi.

KISIMNA LEKHABU 14:3

Mite chemjam ah thi ding bep ah bang ding ah Lalpa‘n ei la puidaw a hi tam? I ji leh chateu chu mi gâl anchâk ah a pan sâng un, Aigupta gam lam ah chia kit ziang leu hin phazaw ma ma lo ding a hem?” a tiu a.

KISIMNA LEKHABU 14:4

Tichun, “I hotu ding uh têl hitiu in, Aigupta gam lam ah chia kit mai hitiu,” a ti sau sau tau a.

KISIMNA LEKHABU 16:13

Nang in khuaizu leh bawngnawi ah luanna gam ah kipat lei puidok ah, tu’hin gamthip ah thagam ding lei gaw nalai sêt ah; chuleh, tu’hin ka chung un vai la hawm nâk lai hi thil neuthem leh bangma lo mai mai in la ngai nalai ah a hem?

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

DAN LEKHABU 29:19

Tu’ni la kitiamnau thute heta ngâl ah, a lungthim ah, “I lampiteu ah lochal tak in a la chia ta maleu hinle, a pha lam ngen in hung um jel na’n ah,” ti la um uh chun, (la lak ua mipha leh mi phalo kibang tak in la leng un manthai khawlaw mai ding la hiu.)