JEREMIAH 42:10 - PATHIAN LEKHABU THIANGTHO (BSI)

¹⁰ Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

JEREMIAH 42:10 ပူးပေါင်းရင်းမြစ်များ

2 SAMUEL 24:16

Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

SAM 102:16

Lalpa‘n Zion chu tung ding kit intin, a lopina kithuam in hung kilang kit in a.

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

SAM 69:35

Pathian in Zion chu hukdok in, Judah khawpite chu tungding kit ding ahi ngal a; a suakte chu zia tak ah chun chêng intiu in, nei den ta’n au;

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 27:11

Himaleh, Babulon lengpa ngawngkol bât ah, a na sep piak nuam tapo chu, a gam chiat un nusia ing ka tin, a lou chiat uh kithaw in, hing in au, Lalpa‘n a ti ahi.

JEREMIAH 31:28

Amau botdok ding, susia ding, paimang ding leh sugenthei ding leh a chung ua siatna tunsak ding ah ka la ensui zing gual ah khan, tungding kit ding leh phudet kit dingin ensui zing ding ka hi, Lalpa‘n a tii.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

JEREMIAH 43:4

Tichun, Kareah chapa Johanan leh, sepai pawl zosia ah hotute leh mipi zosia chun, Judai gam ah chêngden ding ti Lalpa thugen chu a mang nuam ta puau a.

EZEKIEL 36:36

Ziaphat chuleh, la kîmvêl ua namdang um zosia’n, Keima Lalpa hin mun sesa bawlpha kit in, nutsia ah um zosia lua kitsak ka hi, ti hun he ta’n au; Keima Lalpa hin ka la ti ta’n, zia chu hun bawl ding ka hi, ti in.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

JONAH 3:4

Jonah chun, khawpi sung ni khat lam a zawt nung in thu a gen pan a: “Ni sawmli zaw leh Nineveh hi sukmanthai hiding ahi tai,” ti’n tâng a sam a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

NASEPTE 15:16

‘Zia zaw tak chuleh hung kit ing ka tin, David biakbûk kha hung lem thak kit ding ka hi; a sesa chu siamthak ing ka tin, tung ding kit ding ka hi;

DAN LEKHABU 32:36

A mite hatna a bei tai ti leh, khumbil ah um leh, zalen um chuam talo a hiu ti, a mu phat leh, Lalpa‘n a mite dikna’n vaihawm intin, a suakte chu lainat kit ta’n a.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.