JEREMIAH 40:5 - PATHIAN LEKHABU THIANGTHO (BSI)

⁵ Gen ding pen le helo ah la um leh la, Shaphan tupa Ahikam chapa, Gedaliah kiang ah chia kit mai in; ama chu Babulon lengpa’n, Judai gam ah khawpi zosia awptu ding ah a guat a hita’n; tichun, mipite lak ah a kiang in vaum mai in; Ahiloleh, pha la sakna lam lam zuan mai in,” a ti tai. Tichun, sepai hotu lian chun a nêk ding leh thilpiak a piak zaw phatin, a nopna lam lam zuan dingin a koi tai.

JEREMIAH 40:5 ပူးပေါင်းရင်းမြစ်များ

2 LENGTE 22:12

Ziaphatchun, lengpa chun Thiampu Hilkiah, Shaphan chapa Ahikam, Mikaiah chapa Akabor, lekhazikpa Shaphan tawh, lengpa suakpa Asaliah tawh a ko ah, thu a pia:

2 LENGTE 22:14

Tichun, thiampu Hilkiah tawh, Ahikam tawh, Akhbor tawh, Shapham tawh, Asahiah tawh, puan koikhawmna vengpa, Harhas tupa Tikvah chapa Shallum ji jawlneinu Huldah kiang ah chun a vachiau ah; amanu chu Jerusalem ah zilna mun ah um ahi’n; tichun, amanu chu tawh a vaholim tau a.

2 KHANGTHU 34:20

Ziaphatchun, lengpa chun Hilkiah, Shaphan chapa Ahikam, Mikah chapa Abdon, Lekha zikpa Shaphan tawh lengpa suak Asaiah kiang in thu a pia:

EZRA 7:27

Jerusalem ah Lalpa In chawisâng nopna lunggil nei dingah Lengpa lungthim ah nasem Lalpa, I pu leh pateu Pathian chu chawihoi in um hen la,

EZRA 7:6

zia Ezra chu Babulon ah kipat in a kuandok a. Ama chu Lalpa, Israelte Pathian in Mosi kiangah dan thu a la piakte dan thiam tak mi ahi’n; Lalpa a Pathian doisakna chang ahiziak in, Lengpa kiangah a dot taphot chu phal piak in a um hi.

NEHEMIAH 1:11

Aw Lalpa, la suakpa pauchapna leh, la min kija’na taphot ah kipak sek la suakte pauchapna hi a la ngaitha’n la; tu’ni ma ma hin la suakpa hi lawtinsak in; zia mipa mit mu ngei ah hin la ja’ngaina chansak ngâl ta’n!” ti’n ka pauchap tai. Zia hun ah chun lengpa dawn ding pia ka pan lai tak ahi.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

THUPILTE 16:7

Mipite umchan in Lalpa a hi’lungdam chun, a mêlmateu tawh a kichamsak thei hi.

THUPILTE 21:1

Lengpa lungthim chu Lalpa khut in a um hen, luicha tui luang gual in a dawi dan dan in a hei kawi sek hi.

JEREMIAH 15:11

Lalpa‘n zia gual hin a gen hi: La phatna dingin la hinna ka hun sukha, la buai lai leh la lungjin lai in la chung ah la mêlma dingte ka hun guat khum ahi.

JEREMIAH 26:24

Himaleh, Shaphan chapa Ahikam chun, Jeremiah a panpi ziakin, mipite thalup ding ah piakdaw in a um ta puai.

JEREMIAH 39:14

sepaite huang sung ah Jeremiah um chu a vapui dawsak tau a; ama chu Ahikam chapa Shaphan tupa Gedaliah In lam ah a pui dingin a pedok tau a. Tichun, a chipite lak in a um den tai.

JEREMIAH 40:4

Tu’hin, en tiam in, tu’ni hin la khut ah thikkhau chu tham in, ka hun thâdok la hi tai. Babulon ah ka kiang ah la hung nop leh hung ziang inla, pha tak in hun enkol ziang ing ka; ahi’n la, Babulon ah ka kiang ah la hung nop lo chun, la hung tei tei a ngai diak puai. En in, gam pumpi hi la nopna lam lam la têl thei hi; pha la sakna lam lam ah chia mai in.

JEREMIAH 41:1

A tha sagi’na chun, lengpa Inkuan sung ah mi, Elishama tupa, Nethaniah chapa Ishmael, lengpa sepai hotute lak ah pakhat chu, Mizpah ah, Ahikam chapa Gedaliah kiang in pawsal sawmkhat tawh a hung un. Mizpah ah a leng ua an a nêk khawm lai tak un,

JEREMIAH 41:18

Kaldaite a lau ziak un; Nethaniah chapa Ishmael chun, Ahikam chapa Gedaliah chu a la that ta’ngal a; ama chu Babulon lengpa’n a gam pumpi chung ah vaihawm ding ah a la pansak ziak ahi.

JEREMIAH 41:2

Babulon Lengpa’n, a gam pumpi vaihawm ding ah Gedaliah a guat chu a lungawi lo ziak un, Nethaniah chapa Ishmael tawh a lawite pawsal sawmkhat chu a hung kipan un, Shaphan tupa, Ahikam chapa Gedaliah chu chemjam in a sat un, a that tau a.

NASEPTE 27:3

A jing ah chun Sidon ah ka bâng malam un; Julias chun Paul chu a bawlpha ma ma ah, a lawite tawh kive tua thei ah, kisuhal tua sek thei dingin a phal piak a.

NASEPTE 27:43

ahiziakin, sepai zahotu chun Paul chu hukhin a nop ziakin, a thil ngaituau chu a khâm a. Tuizap thei tapo tuisuagiat ah chawmtha, mualkâng a la kâi masa ding leh,

NASEPTE 28:10

Amau chun nasa tak in ei jau ah; ka kipatdaw kit ding phat ua chun, ka mamaw thilteu chu ei piau a.

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.