JEREMIAH 4:8 - PATHIAN LEKHABU THIANGTHO (BSI)

⁸ “Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 4:8 ပူးပေါင်းရင်းမြစ်များ

SAM 78:49

A lungnatna nasa tak, siatso’na, thangtawmna leh lungjinna chu tawh, gawt chimit ding vansawlchâk tawh, a chung un a tunsak tai.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 13:6

Patau un, Lalpa Ni chu a nai ta’ngal a; Hat Chungnung ah kipat siatna, hung tung gual chu ahi.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 32:11

Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 9:12

sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

ISAI 9:21

Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

JEREMIAH 25:34

Nanghaw belampute haw, kap unla, kiu chuai chuai un; nanghaw gancha hon chung ah vaihawmte haw, leivui lak in kitâl puang un, nanghaw thalupna ding ni leh, thejak ah la umna ding uh nite chu, a hung tung tai; bêl doichuamte gual in um ta’n lau.

JEREMIAH 30:24

A lungtup a bawl zawah a mualsua masia, Lalpa lungnatna tizat um tak chu, hung kile’kit ziang pua’n a. Hun nunung lam leh, zia chu hun hechian ta’n la.

JEREMIAH 48:20

Moab chu suksiat ahi tâk ziakin, sukmualpho in a um tai; lusûn in kap chuai chuai tau in! Arnon lui pâm ah chun Moab chu, suksiat dim dem ahi tai ti gen un.

JEREMIAH 6:26

Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

EZEKIEL 21:12

Aw mihing, kap inla, pengjak ta’n, ka mipite do’na ahi ngal a; Israel lal chate zosia do’na ahi, ka mipite tawh a leng un chemjam se’na’n a kinei ui. Katei! A malpiu sât un!

EZEKIEL 30:2

Mihing, zia gual hin Lalpa Pathian in a gen hi, ti’n la gen in: Ehei! tu’ni hi chu aw ti’n kap chuai chuai un,

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

MIKAH 1:16

La cha doi takteu hung liangvai dingte sûnna’n, la luchang uh metkol in, mulukol gual hial ah lukol in hung um tau in; la chateu sal ah pui mang in a um zo ta’ngal un.

KISIMNA LEKHABU 25:4

Mosi kiang ah Lalpa‘n, “Israelte chung ah Lalpa lungnatna huaisia lâk mang a hi’theina dingin, mipi luchangte zosia puidok inla, Lalpa ma-âng ah sunchang lai tak in a gawl uh vatan in,” a tia.