JEREMIAH 4:7 - PATHIAN LEKHABU THIANGTHO (BSI)

⁷ La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 4:7 ပူးပေါင်းရင်းမြစ်များ

2 LENGTE 24:1

Jehoiakim hun sung ah chun, Babulon Lengpa Nebukadnezar chu a hung kuan ah, ama chu sal in a man ah, kum thum sung chu a tânsak a: zia nung ah chun ama chu a hung kiphin kit a.

2 LENGTE 25:1

Babulon Lengpa Nebukadnezar a hung lal ah kipat, a kum kuana ah tha sawmna, zia tha ni sawm a hung tin ni tak ah chun, ama tawh a sepaite chu Jerusalem bulu dingin a hung tau a; panmun a siam ua a kikul chak tau a; khawpi chu a kîmvêl suak kêi in kul in a hung khak khum tau a.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 5:9

Sepai honte Lalpa‘n a kipau tiamna ka hia’i: mathei lo in, In lian leh mêlpha, tam takte hi a sung ah chêng ding um lo ah a hawm ah nutsia in hung um ding a hiu.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 22:6

Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 22:7

A gâlvan ua kithuam ah, nang hun susia dingte chu, hun guanggal ding ka hi; la sidar thing doichuamte chu phûk in, meikuang lak ah pai lut in au.

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 26:9

Bang ding ah Lalpa min ah, “Zia In hi Shilloh gual hung hi’n tin, zia khawpi hile a sung ah chêng umlo ah a hawm ah nutsia hung um ding ahi, la ti a hem?” a tiu a. Tichun, Lalpa In ah Jeremiah chu mipite chun a hun ûm tau a.

JEREMIAH 27:8

Himaleh, Babulon Lengpa Nebukadnezar nasêm nuamlote leh, Babulon lengpa ngawngkol bât nuam lo chu, a khut ah ka sukmangthai zaw masang sia, zia nam chu chemjam, kial, natpi’n gawt ding ka hi, Lalpa‘n a tii.

JEREMIAH 33:10

Zia gual hin Lalpa‘n a gen hi: “Zia mun tak chu aw, mihing leh ganhing um lona ding in a pâmmai na e!” la ti’na mun, Judai gam ah khawpite leh Jerusalem khawlai dung, a sung ah chêng ding mihing leh gancha umlo’na mun ma ma ah chun,

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 4:29

Sakol chungchuang mite husa leh, thal kap mite ziakin khawpi zosia, jamsia’n au; gammâng ah tai lut intiu in, suangpi lak in kal to in au; khawpi zosia nutsia in a um tau ah, a sung ah kuama a chêng ta puau hi.

JEREMIAH 44:2

sepai honte Lalpa, Israelte Pathian in zia gual hin a gen a: Jerusalem leh Judai gam ah khawpi zosia chung ah, siatna ka tunsak zosia hi la mu suak kêi un. Vak en ma tiam un; tu’ni hin nutsia ah um in, kuama a chêng ta puau hi;

JEREMIAH 46:18

Lengpa, a min Sepai honte Lalpa chun, kihaksial hial in, Tângte lak ah Tabor gual leh, tuisuagiat pâm ah Karmel gual in, mi pakhat hung kuan ding ahi.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 50:44

Jordan lui gâl nângbuk lak ah kipat sakeibaknei hung pawtdok in gan tatna mun a hun zot gual in, amau chu thakhat in hun del mang ding ka hi; a chung ua vaihawm ding ah ka guat pen chu têldok ta’ng ka. Keima gual hi kua a hem um? Kua a hem ei cho ngam? Ka âng ah pang ngam ding belampu kua a hem um?

JEREMIAH 8:16

Dan ah kipat in a sakolteu nâk git chu, hetphâk ahi’n; a sakolchalteu hâm git ziakin, gam pumpi hi a kithing tai. A hung un, a gam leh a sung ah um zosia tawh, a khawpi leh a sung ah chêng zosia chu, a himangthai zo tau hi.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

EZEKIEL 12:20

Mihing chênna khawpite chu suksiat ah um in, a gam pumpi le nutsia ah um ding ahi; chuleh, Keima hi Lalpa ka hi ti hun he ta’n lau, ti in.

EZEKIEL 21:31

La chung in ka lungnatna buntha’ng ka tin; la chung ah ka hachang thakna mei sêm ing ka. Mi hiamngam, mi tha thiamte khut in hun pedok ing ka.

EZEKIEL 32:2

Mihing, Aigupta Lengpa Pharaoh sûnna La zia gual hin phuak in, a hun tia: Namdang zosia lak in sakeibaknei gual in la kingai a, himaleh, tuisuagiat ah gulpi tawhbang la hi’ngâl a; luichate la chok vêl ah, la keng in tui la chok in, luicha tui zosia la chok buan tai.

DANIAL 5:19

Zia gual ah lopina a piak ziak ah chun, mi zosia, nam zosia leh pau zosia’n, ama chu lau in a kithing sek ui. Ama’n a nop nop hawi in, a ja’bawl nopte chu ja’na a pia’n, a koi niam nopte chu a koi niam ngal hi.

DANIAL 7:4

A masa pen chu sakeibaknei mêlpu, mupi thâ gual a nei in. Ka et zing lai in, a thâte chu baw thâk in a hung um ah; chuleh, lei tual ah kipat dopdaw in a um ah, mihing gual in a keng pani’n dinsak in a um tai; chuleh, a kiang in mihing ngaituana lungthim piak in a um tai.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.