JEREMIAH 4:6 - PATHIAN LEKHABU THIANGTHO (BSI)

⁶ Mallam ah kipat siatna hun tunsak ding ka hiziak in, Zion zotna lam hil unla, bitna ding hawl in tai unla, muang kiu in.

JEREMIAH 4:6 ပူးပေါင်းရင်းမြစ်များ

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 22:7

A gâlvan ua kithuam ah, nang hun susia dingte chu, hun guanggal ding ka hi; la sidar thing doichuamte chu phûk in, meikuang lak ah pai lut in au.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 4:21

Bang chan a hem kido’na puanjakte chu ka mu ah, pengkul gitte chu ka het ding?

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 50:22

Kidona husa huaisia tak leh, siatna thawm in a gam chu a dim tai!

JEREMIAH 51:12

Babulon kulbângte do dingin kipan un; gâlvêngtute hihat un; gâl chângpang dingte le koi unla, gâl chânggu dingle koi tau in; Babulon ah mite chungchâng ah Lalpa‘n a gen gual in, a guanggal in a bawl zo ta ahi.

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

JEREMIAH 51:54

Ngai tiam un, Babulon ah kipat kâ thawm chu! Kaldaite gam ah kipat siatna husa chu a nasa na e!

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

JEREMIAH 6:22

Lalpa‘n zia gual hin a gen a: En un, mallam gam ah kipat in mipi a hung ui; lei mong gamlatna pen ah nam thupi tak, hung kichok phûl ding a hiu.

EZEKIEL 9:1

Chuleh, ka nakhang ah ngai tak in, “Nanghaw, khawpi sung ah mite bantan ding zosia, la khut ua suksiatna matchâk chawi in, hun nai tau in,” ti’n a kiko tai.

EZEKIEL 9:2

Chuleh, mallam nga, chung lam ah kotpi kipat in mi paguk a hung pawtdok un, a khut un mi tha’na ding matchâk a hun chawi chiat un; a lak un mi pakhat puan malngat ah kithuam, a kiang ah lekha zikna ding kikoi khat a um a. A lut un, sum-eng mâichâm kiang in a ding tau a.

ZEPHANIAH 1:10

Zia ni chuleh Sanga Kotpi ah kipat in kâ thawm, In dan Sungnung ah pat mau thawm leh, tâng lam ah kipat thawmgi nasa tak chu het in um in a, Lalpa‘n a tii.

ZEKARIAH 6:6

Sakol vom in a kai kângtalai chun mallam a zuan ah, sakol kâng chun tumlam a zuan in, sakolpuang chun simlam a zuan hi,” a ti’n.