JEREMIAH 4:4 - PATHIAN LEKHABU THIANGTHO (BSI)

⁴ Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 4:4 ပူးပေါင်းရင်းမြစ်များ

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

ISAI 10:17

Israelte Vâk chu mei gual hung hi’ntin; a Mithiangtho uh chule meikuang gual hung hi’n a; tichun, a ling leh a khauguite chu, ni khat sung in hun kâng tum ta’n a.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

JEREMIAH 15:14

La het ngai lo nau gam ah chunle mêlmate nasêm in hun pan sak ing ka; ka lungnatna mei chu a kuang ta’ngal a; zia mei chun hun kâng zing ta’n a, ti in.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 23:19

En un, Lalpa thigawpi chu! Chîmpei huaisia tak gual in, a hachang thakna chu a pawt tai! Mi nunsiate luchung in hung puakjak in a.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 9:25

A zekvun bep uh tan ah, a lungthim zektanlote chung thu ka ngaituana ding nikhua chu hung tung tei tei ding ahi Lalpa‘n a tii.

JEREMIAH 9:26

Gam keu ah chêng, a chalsam uh tan sek zosia, Aiguptate, Judate, Edomte, Ammonte leh Moabte chung ah vaihawmna ding chu. Zia namte zosia hin a zek uh a tan puau a, Israelte zosia le a lungthim uh zektanlo ngen ahi ngal un.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 16:38

Numei ângkawm leh tualthat chung thu a ta’n gual un, la chung thu tan ing ka tin, lungna leh itsik in la chung ah thisan phuba la ding ka hi.

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

EZEKIEL 20:33

Ka hin sungsia, khut hat tak lâmsa’n, lungnatna leibua’n la chung un lal ah hung um ngei ngei ding ka hi, Lalpa Pathian in a tii.

EZEKIEL 21:17

Ke’nle ka lungnat thepbi’na dingin, khut leh khut in kisattua pi’ng ka; ti’n Keima Lalpa hin ka gen ta’ngal ah, ti in.

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

EZEKIEL 24:8

Phuba la ding ah ka lungnatna choktho dingin, a thisan sua sêlguk ahi lona ding in, suangpi chung ah ka koi ahi.

EZEKIEL 44:7

gamdang mite la hun pui lût un, lungthim leh taksa ah le zektanlote, ka nêk ding sathau leh thisan lei piak phat uh leh, ka mun thiangtho ah lût in, la subuak zo tau a. La thilbawl uh ki’dak um takte bep le hilo in, ka thuthung la botsia nalai un.

EZEKIEL 6:12

Gamla tak ah umte chu natpi’n thi’n tiu in; a nai tuam ah umte chu chemjam in thi’n tiu in; zia lak ah suakcha nalaite chu kial thi’n au. Tichun, a chung ua ka lungnatna but khum ta’ng ka.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

THIAMPUTE LEKHABU 26:28

lungna tak in nang uh lang in umzing ing ka tin, la gitlonau a le’sagi’n hun thuk ding ka hi.

THIAMPUTE LEKHABU 26:41

ke’nle amau ka la do zing ah, a mêlmateu gam ah ka la puinateu, chuti nung ah le a lungthim bil viloteu a khiak niam ua, a gitlonateu ziak ah ka gawtnate a hetthiam phat ua leh,

AMOS 5:6

Lalpa chu hawl unla, hing tau in; achutiloleh, Joseph In sung ah kipat in, meikuang gual in pawtdok intin, Bethel kâng tum intin, a phelmit ding kuama um pua’n a.

ZEPHANIAH 2:2

busi hui in a mut mang gual ah naw mang ah la um masang un, la chung ua Lalpa lungnatna huaisia tak a hung tun ma ah, la chung ua Lalpa lungnatna lau um tak a hung tun masang hin.

ROMTE 2:25

Dan chu a la zawm hilechin, la zektan kha phachuam ma ma ding ahi’n; himaleh, dan botsepa la hi’chun, la zektan chu tan lo tawh kibang zing ahi.

DAN LEKHABU 10:16

Ziaziakchun, la lungthim uh siam thak in, lu’lul tak in um ta kiu in.

DAN LEKHABU 30:6

Zia ban ah chun, Lalpa la Pathian un nang mau leh la chateu lungthim zosia thumat theina hun pia’n tin; tichun, la hin theina ding un la lungthim zosiau leh la ngaituanau zosia in Lalpa la Pathian uh hepi ta’n lau.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

KOLOSSA 2:11

Ama ah chun nanghaw chu khut hilo ah zektan la hitau in, taksa ah gitlonate chu liptha’n, Khrista ah zektan la hitau a;