JEREMIAH 4:31 - PATHIAN LEKHABU THIANGTHO (BSI)

³¹ Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 4:31 ပူးပေါင်းရင်းမြစ်များ

THILSIAM THU 27:46

Chun, Rebekah chun, Isak kiang in, “Hit numeite ziakin, hin hih ka chim ta luai: Jakob in zia gam nungak, zia tawhbang Hit chanute haw lak ah mi hi ji’n a hun nei kit nâk lai vang chun chu, kei â dingin hin hi bang phachuam ding a hem?” a tia.

JOB LEKHABU 10:1

Ka hinkhua ka chimchâk hi; ka phunna thu ka nop ka ning in, genjak ing ka tin, ka lunggil ah thasiatna thu gen ing ka.

SAM 120:5

Meshek gam ah malzin ah, Kedarte puanbûk lak ah ka chên hi, ka chung a gik na lawm lawm e!

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 13:8

lungthuai zo ta’n au. Natna leh lungngaina’n man intin, numei naunei ding gual in, nat thuak in thûm ta’n a. Lamdangsa’n ki-entua intin uh, a mai uh zakcha’n mual ta’n a.

ISAI 21:3

Ziaziakchun, ka kawng leh jang a na zo ta’n, numei nauvei gual in ka tai a nai; ka het theilona dingin kainiam in ka um in, ka mu theilona dingin hi’buai in ka um tai.

ISAI 26:17

Numei nauvop, a nau suak ding kuan ah na sa talua’n, kilek lumlet ah peng peng gual in, aw Lalpa, nangma ngai in ka kap ui;

ISAI 42:14

Hun sawt tak chu ka thip hiat hiat a, tawilok lo ah um in, ka la kisûm tun tun ah; tu’hin vang, numei nauvei gual in kiko ta’ng ka tin, halâ tak leh hatdong in um ta’ng ka.

ISAI 6:5

Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

JEREMIAH 10:19

Ka liamna ziakin ka chung a gik na e! Ka liamna hi a huaisia na e! Himaleh, “Zia hi ei gawtna a hiziak in, ka tuak tei tei ding ahi,” ka ti’n.

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 14:18

Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 22:23

Aw, Lebanon tâng sidar thing lak ah bû sia ah chêngpa, la chung ah natna a hung tun ah, numei nauvei natna gual, la chung ah a hung tun phat leh, bang gual ah thûm in la tâu ta diam!

JEREMIAH 30:6

Dong un la en vêl ma tiam un, pawsal in nau a nei thei him him em? Numei nau nei ding gual ah, bang ding ah pawsal zosia’n a tâi uh sawn a hiu em? Bang ding ah a mêl zosiau dâng ahi tam?

JEREMIAH 45:2

Aw Barukh, Israelte Pathian, Lalpa chun la kiang ah zia gual hin a gen hi:

JEREMIAH 48:41

Khawpite chu lâk hi’ntin, kulpi dette chu lûdaw in um in a. Zia ni chuleh Moab sepai hangsante lungchang chu, numei naunei dingte lungchang gual in, lauthawng ta’n au.

JEREMIAH 49:22

En un, mupi kikhaw suk kikhaw to gual in Bozrah chu hun baw intin, zia ni chuleh, Edom mi hangsante lungchang chu, numei nauvei lungchang gual in hung um ta’n a.

JEREMIAH 49:24

Damaska chu a jawngkhâl ta’n, taisiat a gaw ta’n, numei nauvei gual in, dipchâkna’n a man tai; patau leh lungngaina’n a dim tai.

JEREMIAH 50:43

A chanchin uh Babulon lengpa’n a la het phat in, a khutte chu a zawitha tai; numei naunei ding natna’na hun tut gual in a hun tut tai.

JEREMIAH 6:2

Zion chanu chu hamhing phatna pen gual in ka te’ hi.

KÂ LATE 1:17

Zion in a bân a jakdok ah, a thamuantu ding la kuama umlo; Lalpa thupiak ah Jakob do dingin, a Invêngte zosia dogâl a suak zo tau hi. A lak un Jerusalem chu, buaksia gual a hung hi tai.

KÂ LATE 1:20

Aw Lalpa, en tiam in, bang gual lawm ah lungdong ka hi tam! Ka gilpi a kichok in, ka lungchang a kichok ziang tai; la chung ah ka la hel nasa ta law tau hi. Kotzing ah chemjam in lusûnna a tut in, Intin ah thi’na ngen ahi kit hi.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

HOSEA 13:13

Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

MIKAH 4:9

Tu’hi bang ding ah ngai tak ah kap la hem? La sung ah lal a um pua a hem? A thamuantu kha a um ta pua, numei nauvei natna’n a hun pha ta a hem?

MIKAH 7:1

Ka chung a gik na e! Nipi thei a lâk khawm nung ua, grep ga a law zaw nung ua nêk ding, bawk khat ziang le mulo tawh bang chu ka hi; ka duchâk ma ma theichang min khat chale a um puai.

MATTHAI 21:5

Zion chanu kiang in: En in, la lengpa chu kingaitawm tak in, sabiltung chung ah chuang in, sabiltungno ngei chung ah chuang in, a hung hi, ti’n la hil un, ti thu kha, a tia.

1 KORINTH 9:16

Chanchinpha hi gen maleng zia chu ka kisaktheipi ding ahi puai, bawl makmaw ka chung in a kinga tangal a. Chanchinpha ka gen lo chun ka chung a gik hi!

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.