JEREMIAH 4:29 - PATHIAN LEKHABU THIANGTHO (BSI)

²⁹ Sakol chungchuang mite husa leh, thal kap mite ziakin khawpi zosia, jamsia’n au; gammâng ah tai lut intiu in, suangpi lak in kal to in au; khawpi zosia nutsia in a um tau ah, a sung ah kuama a chêng ta puau hi.

JEREMIAH 4:29 ပူးပေါင်းရင်းမြစ်များ

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

ISAI 30:17

Mi pakhat lau in mi sang khat jam in la tin uh, mi panga lau in tângvûm ah diallap khuam gual leh, tângsip ah tepte’na diallap tawhbang ah, nutsia la hi masangsiau tai mang zo ta’n lau.

ISAI 6:12

Lalpa‘n mi tin gamla tak ah, a thotmang zaw masia gam lailung ah, bangma um talo ah, nutsia ahi masia.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 52:7

Ziaphatchun, khawpi kulbâng khel hawm in, sepaite chu jan kâl in lengpa huan lam ah bângthua kikâl in a la tai mang zo tau ah, Kaldai sepaite chun khawpi ûm kîmvêl in a la chang zing un. Arabah lam zuan in a jam mang tau a.

JEREMIAH 6:23

Aw Zion chanu! Nangma do dingin, thalpi leh cheicha a chawi ui; nunsia tak leh lainatna bei a hiu a, a husau chu tuisuagiat gi gual ahi; gâl do ding ah kithuam gual in, sakol in a chuang ui!

AMOS 9:1

Mâichâm bul ah Lalpa ding lai ka mu’n, zia gual hin a gen a: Kotbulte kithin hial masia khuampite chu khên in; a kithing bongte chun mipite luchang khen gawp hen la; zia thibang cheng chu chemjam in that ing ka; pakhatle tai mang lo in, khat ziang le suakcha pua’n au.

LUKA 23:30

zia ni tak chuleh, mual kiang in, ‘Ei deldên in,’ ti’n tiu in; tâng kiang ah chun, ‘Ei khu’khum in,’ ti’n au.

1 SAMUEL 13:6

Israelte chu a pang zo talo a hiu ti a kihiat phat un, mipite chu kawlhawm ah te, kawhawm ah te, suangpi lak ah te, thân kuak ah te leh tuikul ah te chun a kisêl mang zo tau a.