JEREMIAH 4:26 - PATHIAN LEKHABU THIANGTHO (BSI)

²⁶ Ka vak et leh, ngai tia, gam phatnate chu gamkeu a la suak zo ta’n, a khawpi zosia chule, Lalpa âng ah chun, a lungnatna ziak ah chun suksiat a hi zo tai.

JEREMIAH 4:26 ပူးပေါင်းရင်းမြစ်များ

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

KÂ LATE 2:7

Lalpa‘n a mâichâm a ki’dak ta’n, a mun thiangtho le a ângsia ta puai; a lal In bângte chu, a mêlmateu khut in a pedok tai; Lalpa In ah kûtna ding, pengkul mûtna mun ah khan, gâlte’n zaw’na pengkul a mût tau hi.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.