JEREMIAH 4:24 - PATHIAN LEKHABU THIANGTHO (BSI)

²⁴ Tângte ka vak et leh, ngai tia, a kithing un; mualte zosia le a kilok lumlet zo tau hi.

JEREMIAH 4:24 ပူးပေါင်းရင်းမြစ်များ

1 LENGTE 19:11

A kiang in, “Pawtdok inla, tâng chung ah sawn Lalpa âng ah vading in, Lalpa‘n hun hawtheng ding ahi,” a tia. Zia chun hui hât tak in a hung hang a, Lalpa âng ah chun tângte chu a mût kêk ah, suangpite chule a mût phel tai; himaleh, hui ah chun Lalpa a um puai; chun, hui hân zaw ah chun lîn a hung lîng ah; himaleh, linlîng ah chunle Lalpa a um puai;

SAM 18:7

Ziaphatchun, lei hi a kilîng in a kihot dup dup tai; a lungnat ziakin tângte chule, a kingakna pum in a kilok in, a puakjak tai.

SAM 77:18

Chîmpei in la vanpi a git sak ah; kawlphete chun khawvel a salvâk zot zot un; lei chu kithing in, a kilîng dup dup hi.

SAM 97:4

A kawlphete chun khawvel a salvâk suak in; lei in a mu ta’n, lau in a kithing hi.

PAWTDAWNA THU 19:18

Lalpa chu meikuang ah a hung kum ziakin Sinai tâng chu a pum in meikhu’n a tuam a: Hâltuina meikhu gual in meikhu chu a kitung to ziang a: Chuleh, a tâng pumpi chu nasa tak in a kithing tai.

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 24:20

Zukham gual in lei hi a hoi dong dong in, bûkcha gual in lei hi a kilâwng hi; a bawsiatna a chung in a gik ma ma in, hung kipûk intin, thodok kit ta pua’n a.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 8:16

Dan ah kipat in a sakolteu nâk git chu, hetphâk ahi’n; a sakolchalteu hâm git ziakin, gam pumpi hi a kithing tai. A hung un, a gam leh a sung ah um zosia tawh, a khawpi leh a sung ah chêng zosia chu, a himangthai zo tau hi.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

EZEKIEL 38:20

tuisuagiat ah sanga zosia, chung ah lêng vachate, gamlak ah sa zosia leh lei tual ah bokvâk zosia, leipêk chung ah mihing zosia ka âng ah kithing ta’n au; mual leh tângte paithâk hi’ntin, kawlsiate le chim intin, kulbâng zosia lei tual tawh kikim in chim ta’n a.

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

HABAKKUK 3:6

A ding ah, lei a thing ah, a en ah, namte chu a kithing tau hi. Kumtuang tângte a kai chim in; kumtuang lampite ah chun kumtuang mual leh, tângte chu a niam tau hi.

THUPUAN 6:14

Van chu lekhabu zial gual in a hung kizial mang a; tâng leh tuikual khum gam zosia le a umnau ah kipat chawn mang in a um zo tau a.