JEREMIAH 4:22 - PATHIAN LEKHABU THIANGTHO (BSI)

²² “Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 4:22 ပူးပေါင်းရင်းမြစ်များ

THILSIAM THU 39:16

Chuleh, a pu a hung tun masia a puan chu a kiang in a la koi zing a;

2 SAMUEL 13:3

Ahi’n, Amnon in gualpha pakhat a nei ah, a min chu Jonadab, David suapipa Shimeah chapa ahi; ama chu mi dawhathûk tak ahi.

SAM 36:3

A kam ua thupawtte chu gitlona leh, thepna thu ngen a hisek in; chingthei tak leh pha tak ah bawl a haisan tau hi.

SAM 36:4

A khum laizawl un thil phalo a suangtuau ah; thil sia bawlna lampi chu a zui un, thil phalo a haw puau hi.

SAM 53:4

Thil phalo bawlte chun hetthiamna neilo ah, vaithum a nêk gual un ka mite a ne zo tau ah, Pathian le ko diak lo a hiu em?

SAM 82:5

Hetna leh hetthiamna him him neilo in, thim lak in a vâk vêl vêl un; leilung kingakna zosia chu a kilîng tai.

THUPILTE 28:5

Thil phalo bawlte chun vaihawmna dik a hethiam ngai puau in, Lalpa hawlte chun vang a hethiam sik sek ui.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 4:21

Bang chan a hem kido’na puanjakte chu ka mu ah, pengkul gitte chu ka het ding?

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

JEREMIAH 5:4

Ziaphatchun keima’n, “Zia mite hi migenthei leh, ngaituana neilote a hiu hilam e, Lalpa lampite leh a Pathian dan uh chu a hepuau hi.

JEREMIAH 9:2

Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

JEREMIAH 9:5

A Invêngteu a thêm chiat un, thu dik gen a um puau hi; thiam tak ah zuau genna’n a lei uh a mang un, khawlo tak in a um un, gitlona haisan hak a sa ma mau hi.

EZEKIEL 16:30

Lalpa Pathian in, zachâtna châng helo nawchizuak gual ah, zia gual lawm lawm ah la um hi, la lunggul na lawm lawm e!

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

AMOS 3:10

A kulpiteu ah thagum sua’na leh, kisuamna kholkhawmte chun, thil dik bawl ding dan a hepuau hi, Lalpa‘n a tii.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

JOHAN 16:3

Pa leh keima ei het lo ziak un, zia thilte chu hun bawl in au.

ROMTE 1:22

Pil ah kingai in, mingol ahi zaw tau hi.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 16:19

La thu mat dan uh mi zosia lak in a kithang tangal a. Ziaziakchun, nangmau chung thu ah ka kipak hi; ahi’n, thilpha lam ah la pil ua, thil phalo lam ah la mawl uh ka dawi hi.

ROMTE 3:11

Kuama a hethiam a um puau in, Pathian hawl him himle a um puau hi.

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

DAN LEKHABU 32:28

Ngaituana bei nam ngong a hiu in; hetthiamna him him a nei puau hi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?