JEREMIAH 4:14 - PATHIAN LEKHABU THIANGTHO (BSI)

¹⁴ Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 4:14 ပူးပေါင်းရင်းမြစ်များ

SAM 119:113

Lungthim mumal neilote chu ka hua hen, la dan vang ka ngaina ahi.

SAM 51:2

Ka khawlona kipat in ei sawp thiang inla, ka gitlona hile ei silthiang ta’n.

SAM 66:18

Ka lunggil ah thil phalo ka ngaitua zing chun, Lalpa‘n ei ngaitha pua’n a.

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 17:1

Judah gitlona chu thik kawlom, a mûk ah suang mantam zum ah zik a hi’n; a lunggil suangpêk leh a mâichâm ningbawk ah chun sutkuak ah zik ahi;

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 2:22

Changal leh sabon tam tak mang zo in, kisil ziang male chinle, la hi’khialna bepawn chu ka mu zing hi, Lalpa Pathian in a tii.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

ZEKARIAH 8:17

midangte siatna dingle la lungthim un ngaitua kiu inla, zuau thu ah kitiamna ngaina kiu in; zia zosia hi ka thil huatte chu ahi, ti hi Lalpa kamsuak chu ahi.

MATTHAI 12:33

Thing pha chu a ga le a pha’n, thing phalo chu a ga le a pha puai: thing chu a ga ah hetthei ahi.

LUKA 11:39

Lalpa chun a kiang in, Nanghaw Pharisaite hin, no leh kuangte hi a pawlam bep la sawp thiang un; himaleh, la sunggil lam uh chu du-âmna leh nunsiatna dim ahi.

JOHAN 13:9

Ziaphatchun, Simon Peter in, “Lalpa, chutichu ahileh, ka keng bep hilo in, ka khut leh ka luchangle lam,” a ti kit a.

NASEPTE 8:22

Ziaziakchun, zia la gitlona hi kisik inla, la lungthim ngaituana gilo hi a hun ngaidam thei khâk leh, Pathian kiang in pauchap ta’n.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

1 KORINTH 3:20

Chuleh, “Lalpa‘n mipilte ngaituana chu bangmalo ahi ti a hia’i,” ti zik gual in.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.