JEREMIAH 4:11 - PATHIAN LEKHABU THIANGTHO (BSI)

¹¹ Ziaphat chuleh, zia mipite leh, Jerusalem kiang in zia thu hi gen piak hita’n a: Gamkeu lam ah tângsâng ah kipat in, ka mipite genthei tak ah umte mût vot ding leh, mut thiang ding hilo in, keima ah kipat in hui lum tak hung hâng ding ahi.

JEREMIAH 4:11 ပူးပေါင်းရင်းမြစ်များ

SAM 11:6

Mi nunsiate chung in mei leh kât zuksak intin; mi kâng keugawp thei hui lum chu amau chantum hita’n a.

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 13:24

Gamkeu ah busi hui in a tawmang gual in, hun the thâng ding ka hi.

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 23:19

En un, Lalpa thigawpi chu! Chîmpei huaisia tak gual in, a hachang thakna chu a pawt tai! Mi nunsiate luchung in hung puakjak in a.

JEREMIAH 4:12

A thok zaw lo ding khop ua hât hi’n a. Amau do ah a chungthuu vaihawm ah, thugenpa hi keima ka hi.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 3:48

Ka mipite suksiatna ziakin, ka mitthi lui tui gual in a luang hi.

KÂ LATE 4:10

Mi lungsiat thiam numeite khut in, amau chate sa a huan tau in; ka mite siatna tuak ni chun a an uh a hung hi tai.

KÂ LATE 4:3

Si-alte’n bawn a noteu a nawi uh, a chêpsak sek un; ka mite vang gamthip ah, Va sakol tawhbang ah gilo a hiu.

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

EZEKIEL 17:10

Phû’thak ahi inle piting ding a hem? Sualam hui in a hun mût phat leh, a ke’na mun ma ma’n vuaitha ngal ziang lo ding a diam?

EZEKIEL 19:12

Himaleh, thangtawmna ah bawdaw in a um ah, lei tual se’na’n mat ahi; sualam hui in a mût keu in, a gate chu heu in a um ah, a kung det chu a keugawp ta’n; mei in a kâng tum tai.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

HOSEA 4:19

Hui in a tha’te’n amau a tuam in, a mâichâmte u ziakin mualpho in au.

HABAKKUK 1:11

Chuleh, huipi gual in a hun nuai chibak un; thil phalo a bawl un, migilo a hung suak tau hi; a hâtnau chu a pathian uh ahi tai!

HABAKKUK 1:6

Kaldaite, nam huham tak leh mi lungpâwngte, lei vailam dâp hial ah kizawt, a gam uh hilo lâkpiak dingin, ka hun choktho hi.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

LUKA 3:17

A khut in phajâp a chawi ah; a phual ah a si jap thiang intin, bupang ah sungkhawm in ah; a si’te chu vang mei mit theilo ah chun hâltum in a,” a tia.