JEREMIAH 4:10 - PATHIAN LEKHABU THIANGTHO (BSI)

¹⁰ Ziaphatchun, keima’n, “Katei, Lalpa Pathian, zia mipite tawh Jerusalem khawpi hi, la thêm zo na lawm lawm e! Chemjam tawh a gawl uh suktua ahi tiang unle, a kiang un bangma ti pua’n lau, ti’n la thamuan nalai ah,” ka tia.

JEREMIAH 4:10 ပူးပေါင်းရင်းမြစ်များ

PAWTDAWNA THU 5:22

Tichun, Mosi chun Lalpa lam a nga kit a, “Aw Lalpa, bangatia zia mipite hi bawlsia la hem? Bang ding ah lei la sawl him him a hem?

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 30:10

Zia mite chun, thil mulawk theite kiang in: “Bangma mu ta kin,” a tiu a; jawlneite kiang in, “Ka kiang un thudik bangma gen ta kiu in; thu ngainop um cha cha gen unla, ngaituana vantang mai mai gen un;

ISAI 37:35

Keima ziak leh ka suak David ziakin, zia khawpi hi vêng in, humbit ding ka hi’ngal ah, ti in.

ISAI 63:17

Aw Lalpa, bang ding ah la lampi ei haw khialsak a, nangma hun lau lo ding ah bang ding ah ka lungthim uh, ei suktâk piak la hem? La suakte min ziak leh, la gochan namte haw ziak hin, hung kihei kit in.

JEREMIAH 1:6

Ziaphatchun keima’nle, “Katei, Lalpa Pathian! Ka naupang talua nalai in, thu gen dan ka hepuai,” ti’n ka dawnhu a.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 4:18

La nunchan leh la thilbawl dungzui un, zia thilte hi la chung ua tung ahi; zia chu la siatnau ahi tai. A thok hak nalawm lawm e! La lungchang a sunthil hial ta hi,” ti in.

JEREMIAH 5:12

Lalpa chu lepchia in a ngawu a, “Bangma bawl lo hial in a. I chung un siatna bangma tung pua’n tin, chemjam a hem kialna a hem tuak puai tiu,” a tiu a.

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

JEREMIAH 8:11

Ka mite beliamna chu a kaitua dukdak puau in, thamuanna ding a umlo inle, “Muanna, Muanna,” a ti sek ui.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

EZEKIEL 11:13

Zia thu chu ka gen lai in, Benaiah chapa Pelatiah chu a thi ta mai a. Ziaphatchun, ka mâichang ah lei tual si’n ka bokkhup ah, aw ngai tak in ka kap ah, “Katei Lalpa Pathian! Israelte lak ah a um nalai sunte that gam mai ding la hem?” ka ti tai.

ROMTE 1:24

Ziaziakchun, a taksau jachâk um tak ah kisiam tua dingin, a lungthim nopna gual ua polche tak ah um phal in, Pathian in a kiheisan tai.

ROMTE 1:26

Ziaziakchun, Pathian in jachâk um tak ah hûk phal in a kihei mangsan tai. A jiteu nasan le a numei hi’nau chu dan lo gual ah mang in a kisiam danglam tau a.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.