JEREMIAH 4:1 - PATHIAN LEKHABU THIANGTHO (BSI)

¹ Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

JEREMIAH 4:1 ပူးပေါင်းရင်းမြစ်များ

THILSIAM THU 35:2

Tichun, Jakob in a chanaute leh a kiang ah um zosia kiang in, “La lak ua gam dang pathian um zosia pai mang unla, kihithiangtho unla, la puanteu le theng un:

2 LENGTE 23:13

Jerusalem sualam ah um, thoimualte siatna tâng simlam pang ah um, Israel ah Lengpa Solomon in Sidon mite buakna, Astarte â ding ah a bawl, Moabte buakna Khemosh â ding leh, Ammon chate buakna, Milkom chu Lengpa chun a hun subuak a.

2 LENGTE 23:24

Ziazawchun, Lalpa In ah thiampu Hilkiah in lekhabu a hun mudaw ah kizikte chu pha takah a hun zuitheina ding un, thitha minthangte, Judai gam ah a mu khâkteu haw zosia; chuleh, Jerusalem ah a mu khâkteu zosia chu Josiah chun a hun paidok sik sek tai.

2 KHANGTHU 15:8

Oded chapa Azariah thugente chu Asa in a het phat in a hung kihân sak ah; tichun, Judah leh Benjamin mite gam sung leh Ephraim Thingtâng gam ah khawpi a luanau zosia ah kipat in, milim ki’dak um haw zosia chu a chomdok thiang kei a. Chuleh, Lalpa In mai jawn ah Lalpa mâichâm a la chimsa chule a siampha kit tai.

2 KHANGTHU 33:8

amau chun a zui ding ua thu ka piak zosia, ka dan thute, chawndan pha leh Mosi khut ah ka thupiakte chu a zui nâk ua ahi chun, la pu leh pateu ka la piakna gam ah kipat hin, Israelte keng chu suan dawsak lo ding ka hi,” a ti’sa kha ahi’n.

2 KHANGTHU 34:33

Josiah chun, Israelte gam sung zosia ah kipat chun thil ki’dak um zosia chu a chomdok thiang suak ta’n; chuleh, Israel gam sung ah mi zosia chu, Lalpa a Pathian bep uh a ho sak tai. Ama dam sung sia chu, a pu leh pateu Lalpa Pathian chu a kiheisan ta puau hi.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

JEREMIAH 15:19

Ziaziakchun, Lalpa‘n zia gual hin a gen hi: La hung kit leh hun la kit ing ka tin, ka âng ah ding di la hi. La kam ah thu manthei lo gen lo ah, thugun tak tak la gendaw chun, ka sik ah thugen in pang inla. Amau chun la kiang hun zuan intiu in, nang in vang amau kiang zuan pua’n la.

JEREMIAH 15:4

Hezekiah chapa lengpa Manasseh in Jerusalem ah a thilbawl ziak in, lei chung lenggam zosiate tizat dingin amau chu hun siam ding ka hi.

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 7:3

Israelte Pathian, sepai honte Lalpa chun zia gual hin a gen hi: La umdanteu leh la thilbawl danteu siamphau inla, zia mun ah hin keile la kiang un hung chêng ing ka.

JEREMIAH 7:5

La umdanteu leh la thilbawl danteu la siamphat chiat ua, mimal tin kikâl ah dikna a um phat leh,

JEREMIAH 7:7

ziaphat chuleh, masanglai ah la pu leh pateu kiang ah a kumkhaw go ding ua ka la piakna, zia gam sung ah hin la lak un hung chêng ta’ng ka.

EZEKIEL 11:18

Zia tak ah chu a hung khawm phat ua leh, a lak ua luaksuak um leh ki’dak um zosia chu paitha ta’n au.

EZEKIEL 18:13

sumpung doina ziakin mi thunglâksak hen la hileh, zia gual mi chu a dam diam? Hing pua’n a. Zia gual thil ki’dak um zosia bawlpa chu, a thi tei ding ahi; a thisan maw ama’n kipuak in a.

EZEKIEL 43:9

Tu’hin, a milim honau leh a leng leh lalteu mithiluangte chu gamla tak in koimang uh hen; tichun, kumtuang in a kiang un chêngden ta’ng ka,” a tia.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 2:2

La nuu hi gen piak unla, ama chu ka ji a hipuai ti hil un; keile a pawsal ka hita pua’n, a mai ah kipat in thanhuaina mêl haisan hen la, a ânglai nopna kipat in thanhuaina hi paitha ta hen;

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

DAN LEKHABU 27:15

Kua’nle a gûk ah Lalpa ki’dak chi, mi khutthiamte milim siamkawm a hem, sunthaw a hem a kibawl uh chun, hânsiadong in um tau hen, a tiu ah. Mipi zosia chun, “Amen,” ti’n dawnhuu hen la.

DAN LEKHABU 4:30

Tu’nung ah buaina zosia la hun tuak ua, la hung lungkham phat ua leh, Lalpa la Pathian lam ua hung kihei kit in, a thu zawm ta’n lau.

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.