JEREMIAH 39:7 - PATHIAN LEKHABU THIANGTHO (BSI)

⁷ Zedekiah mit teni a kheldaw piak ah, Babulon lam ah pui dingin thîkkhau in a hên tai.

JEREMIAH 39:7 ပူးပေါင်းရင်းမြစ်များ

2 LENGTE 25:7

ama mit mu ngei ah chun a chate chu a hun that ua, ziazaw chun Zedekiah mit chu a hun khel daw piak in, sum-eng thikkol busak in, Babulon lam in a kâi tau hi.

SAM 119:8

Ei nusia lojen inla, la thuguatte chu zui ta’ng ka;

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 34:3

Nangmale a khut ah kipat in suakcha lo hial ding la hi; mat in um tei tei in la tin, a khut ah piakdaw in hung um inla; Babulon lengpa chu la mit ngei in mu’n la tin, ki-entua in holim ding la hiu; chuleh, Babulon lam ah chia ding la hi.

JEREMIAH 44:30

Judai gam ah Lengpa Zedekiah, a hinna hawl zing a gâlpa, Babulon Lengpa Nebukadrezar khut ah ka piakdaw gual in, Aigupta Lengpa Pharaoh Hophra chule, ama tha gua a gâlte khut in pedok ding ka hi, Lalpa‘n a tii,” ti’n a gen tai.

JEREMIAH 52:11

Zedekiah chule a mit teni a kheldaw piak zaw nung in, thîkkol bu sak in Babulon lam in a pui ta’n; zia tak ah chun a thi tiang in suangkul ah khum in a um den tai.

EZEKIEL 12:13

Ka lên in khû ing ka tin, ka thâng in awk ta’n au; chuleh, Kaldaite gam, Babulon lam ah pui mang ing ka tin, ama’n vang bangma mu pua’n a; chuleh, zia chun thiden ta’n a.

VAIHAWMTE 16:21

Tichun, Philistinte’n a hun man tau ah, a mit a kheldok piak tau hi. Gaza khua’n a pui suk ua, sum-eng thikkhau in a hên ua; chuleh, suangkul sung ah buhêkna suang a hêksak tau hi.