JEREMIAH 39:16 - PATHIAN LEKHABU THIANGTHO (BSI)

¹⁶ Chia inla, Ethiopia mi Ebedmelek kiang in: Israelte Pathian, Sepai honte Lalpa chun zia gual hin a gen hi vati’n: Zia khawpi chung ah thilpha hilo, a sia bawl ding ti ah ka gensa zosia chu hi, buting ngei ngei ding ka hi; zia guitunna chu nangma mit ngei in mu ding la hi.

JEREMIAH 39:16 ပူးပေါင်းရင်းမြစ်များ

2 KHANGTHU 36:21

Jeremiah kam ah Lalpa‘n thu a gen: “Sabbath ni a la chan lo uh zosia tawh kigûn dingin, kum sawmsagi sung chu a gam a la kichawldam ding ahi,” a ti kha a guitun masia tichun a um den tau hi.

SAM 92:11

Ka mêlmate chung ah ka duthusam chu ka mu hen; ka nakhang inle ka siatna ding bawlte, siatna thawm chu a hia’i.

JEREMIAH 26:15

Lei thalup ua leh vang, nanghaw leh zia khawpi leh a sung ah chêng zosia hin, midik thisan sua la hiu ti vang kihiat tin ten un; a dik tak in, la nakhang ua zia thute hi hung gen ding ah Lalpa‘n ei sawl ka hi,” a ti tai.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 26:20

Chuleh, midang pakhat Lalpa min ah thu gen, Kirjath-jearim khua Shemaiah chapa Uriah kiti kha a la um ah. Jeremiah thu gen gual gual in zia gam leh a khawpi siatna ding thu hi a la genlawk a.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 35:17

A kiang ua ka thu gen a ngai lo ziak leh, ka kona ei dawnhu nop lo ziak un, Judai gam leh Jerusalem khua chêng zosiate chung ah thil phalo, a chung ua tung ding ah ka la gensa chu a chung un hun tunsak ding ka hi.

JEREMIAH 36:31

A khawlo’na ziak un ama tawh, a suan leh pâkte tawh, a suakte chu gawt ding ka hi. Amau tawh, Jerusalem ah chêng zosia tawh, Judai gam ah mipi zosia’n amau ka vavauna a ngaisak lo ziak un, thil phalo a chung un tung zaw ta’n ah, ti’n a gen tai.

JEREMIAH 40:3

Lalpa thu mang lo ah, a chung ah thil la la bawl khial tâk ziak un, a la gendawsa gual ngei in Lalpa‘n zia gual hi a hun tunsak a hita hi. Ziaziak tak ah chu la chung ua zia gual thil hi hung tung ahi tai.

JEREMIAH 44:27

A phatna ding uh hilo, a siatna ding un amau chu chânggu zing ding ka hi; Aigupta gam ah Judah mite zosia chu, pakhat chale hawi lo in, chemjam leh kial in that gam sik sek ding ka hi.

JEREMIAH 5:14

Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

AMOS 9:4

A mêlmateu âng in sal ah lût maleu, zia tak ah chun chemjam thu pia’ng ka tin, amau chu that in a; a phatna ding uh hilo, a siatna ding un a chung ua ka mit nga’ng ka.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

MATTHAI 24:35

Lei leh van mangthai intin, ka thu ahileh vang mangthai pua’n a.