JEREMIAH 39:14 - PATHIAN LEKHABU THIANGTHO (BSI)

¹⁴ sepaite huang sung ah Jeremiah um chu a vapui dawsak tau a; ama chu Ahikam chapa Shaphan tupa Gedaliah In lam ah a pui dingin a pedok tau a. Tichun, a chipite lak in a um den tai.

JEREMIAH 39:14 ပူးပေါင်းရင်းမြစ်များ

2 LENGTE 22:12

Ziaphatchun, lengpa chun Thiampu Hilkiah, Shaphan chapa Ahikam, Mikaiah chapa Akabor, lekhazikpa Shaphan tawh, lengpa suakpa Asaliah tawh a ko ah, thu a pia:

2 LENGTE 22:14

Tichun, thiampu Hilkiah tawh, Ahikam tawh, Akhbor tawh, Shapham tawh, Asahiah tawh, puan koikhawmna vengpa, Harhas tupa Tikvah chapa Shallum ji jawlneinu Huldah kiang ah chun a vachiau ah; amanu chu Jerusalem ah zilna mun ah um ahi’n; tichun, amanu chu tawh a vaholim tau a.

2 KHANGTHU 34:20

Ziaphatchun, lengpa chun Hilkiah, Shaphan chapa Ahikam, Mikah chapa Abdon, Lekha zikpa Shaphan tawh lengpa suak Asaiah kiang in thu a pia:

SAM 105:19

a thugen a hung guitun masangsia’n, Lalpa thu’n ama chu patep in a um a.

JEREMIAH 26:22

Ziaphatchun, Lengpa Jehoiakim in Akhbor chapa Elnathan tawh mi khenkhat Aigupta gam in a sawl a,

JEREMIAH 26:24

Himaleh, Shaphan chapa Ahikam chun, Jeremiah a panpi ziakin, mipite thalup ding ah piakdaw in a um ta puai.

JEREMIAH 32:2

Zia hun ah chun Babulon lengpa sepaite chun Jerusalem khua a ûm ua, jawlnei Jeremiah chu Judai gam ah lengpa In huang sung suangkul ah a tân lai tak ahi’n;

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 38:13

Tichun, khauhual ah chun Jeremiah chu tuikul sung ah kipat chun a khaidok tau a. Tichun, Jeremiah chu gâlvêngte huang sung ah chun a um den tai.

JEREMIAH 38:28

Tichun, Jerusalem a pûk masang sia vêngtute huang sung ah chun Jeremiah chu a um den tai.

JEREMIAH 39:13

Tichun, sepai hotu lian Nebuzaradan tawh, Rabsaris, Nebushazban tawh, Rab-mag ah pang Nergal-sharezer tawh, Babulon lengpa milian leh lal zosia chun mi a sawl tau a,

JEREMIAH 39:15

Gâlvêngte huang sung ah a tân lai in, Jeremiah kiang in Lalpa‘n thu a hun gen a:

JEREMIAH 40:1

Sepai hotulian Nebuzaradan in Ramah khua Jekoniah a thâdaw nung in, Jeremiah kiang in Lalpa‘n thu a hun gen a: Babulon lam ah saltâng ding ah Jerusalem khua leh Judai gam ah salmat zosia kha tawh, thikkhau ah hên in a pui khawm a.

JEREMIAH 40:5

Gen ding pen le helo ah la um leh la, Shaphan tupa Ahikam chapa, Gedaliah kiang ah chia kit mai in; ama chu Babulon lengpa’n, Judai gam ah khawpi zosia awptu ding ah a guat a hita’n; tichun, mipite lak ah a kiang in vaum mai in; Ahiloleh, pha la sakna lam lam zuan mai in,” a ti tai. Tichun, sepai hotu lian chun a nêk ding leh thilpiak a piak zaw phatin, a nopna lam lam zuan dingin a koi tai.

JEREMIAH 40:6

Ziaphatchun, Jeremiah chu Mizpah khua Ahikam chapa Gedaliah kiang in a chia ah; a gam ah mipi nutsia ah umte lak ah chun a vachêng tai.

JEREMIAH 40:7

Chun, gamlak ah sepai hotuliante leh a sepai zosiau in Babulon lengpa’n, Ahikam chapa Gedaliah chu a gam pumpi vaihawmtu dingin a guat ah, Babulon lam ah sal ah pui mang ah umlo, michagate, numei, pawsal leh chapang zosia chu a kolsak hi ti thu a het phat un;

JEREMIAH 41:1

A tha sagi’na chun, lengpa Inkuan sung ah mi, Elishama tupa, Nethaniah chapa Ishmael, lengpa sepai hotute lak ah pakhat chu, Mizpah ah, Ahikam chapa Gedaliah kiang in pawsal sawmkhat tawh a hung un. Mizpah ah a leng ua an a nêk khawm lai tak un,