JEREMIAH 39:1 - PATHIAN LEKHABU THIANGTHO (BSI)

¹ Judai gam ah Lengpa Zedekiah lal kum kua’na, tha sawmna chun, Babulon Lengpa Nebukadrezar in a sepai zosia Jerusalem do dingin a hun pui ah, a ûm chimit tau a;

JEREMIAH 39:1 ပူးပေါင်းရင်းမြစ်များ

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

JEREMIAH 32:1

Judai gam ah lengpa Zedekiah a lal kum sawm a ti’n in, zia chu Nebukadrezar lal kum sawm leh giat tin kum ah chun, Jeremiah kiang ah Lalpa‘n thu a hun gen a:

JEREMIAH 34:1

Babulon Lengpa Nebukadrezar leh a sepai zosia chun, khawvel ah lenggam zosia leh, a lenggam sung ah mipi zosiate chun Jerusalem khua leh a khawpel zosia a do lai tak un, Lalpa‘n zia gual hin Jeremiah kiang in thu a hun gen a:

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 42:18

Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

JEREMIAH 52:1

Zedekiah chu leng ah a pan lim in, kum sawmni leh khat mi bep a hi nalai ah; Jerusalem ah kum sawm leh khat vai a hawm hi. A nu chu Libnah khua Jeremiah chanu Hamutal ahi.

JEREMIAH 6:6

Sepai honte Lalpa‘n zia gual hin a gen hi: A thingteu chu phuk un; Jerusalem bulu’na ding panmun siam un. Zia khawpi hi gawt tei tei hiding ahi, a sung ah kipawng bawlna lo’ngâl, bangma dang a um paw’ngâl a.

EZEKIEL 33:21

Ka saltânnau, kum sawm leh ni’na, tha sawmna leh, zia tha ah a ni nga tin ni chun, Jerusalem ah kipat hung suakcha pakhat ka kiangah hung in, zia gual hin a gen a: “Khawpi chu a pûk thiang tai,” a ti’n.

EZEKIEL 4:3

Ziazaw chuleh, thîkpêk khat la’n la, nang tawh khawpi kikâl ah thîk bâng um gual in koi in; zia thîkpêk bâng lam chu nga’n la, khawpi chu lâk ah a hung um ding dan thaw in. Zia hi Israel Inkuante â ding ah tepte’na ahi.

EZEKIEL 40:1

Ka saltânnau kum sawmni leh nga’na, kumbul ah ni sawm tin ni, zia chu Jerusalem khawpi suksiat ah a um nung kum sawm leh li ni chun, Lalpa thilhitheina ka chung in a hung chu’n; chuleh, zia lam ah chun ei pui a;

EZEKIEL 5:2

Khawpi lâkna ni a bukim phat leh, sam, se’thum sua a se’khat chu khawpi sung ah mei in hâltum inla; se’thum sua se’khat chu khawpi kîmvêl ah chemjam in sâttan sik sek inla; a se’thum sua se’khat dang chu hui tawsak inla, zia nung ah chun chemjam hun del zuisak ing ka.

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.