JEREMIAH 38:6 - PATHIAN LEKHABU THIANGTHO (BSI)

⁶ Tichun, Jeremiah chu a man ua, lengpa chapa Malkiah tuikul vêngtute huang sung ah chun, khauhual in Jeremiah chu a khai lut tau a. Zia tuikul sung ah chun tui umlo in, buanthuak ngen a la um nalai ah; Jeremiah chu buanthuak lak in a ketha suk tai.

JEREMIAH 38:6 ပူးပေါင်းရင်းမြစ်များ

THILSIAM THU 37:24

A pui un, kawkhûk ah chun a khelût tau a: Kawkhûk chu tui umlo’na, a ngawn ahi.

SAM 109:5

Tichun, amau in thilpha chu thil phalo ah ei thuk in, ka hepina huatna’n ei thuk ui.

SAM 40:2

Manthaina kawkhûk, buanthuak lak ah pat in ei kaidok ta’n, ka keng suangpi chung ah nga’n, ka kalsuante a hi’det tai.

SAM 69:2

Tawchâk ding umlona buanthuak, thûk tak in ka tum ta hen, tui thûk tak in ka lût ta hen, tuisânglêtte chun ei chup mang tai.

JEREMIAH 32:2

Zia hun ah chun Babulon lengpa sepaite chun Jerusalem khua a ûm ua, jawlnei Jeremiah chu Judai gam ah lengpa In huang sung suangkul ah a tân lai tak ahi’n;

JEREMIAH 36:26

Chuleh, lengpa chun a chapa Jerahmeel leh Azriel chapa Seraiah tawh, Abdeel chapa Shelemaiah te chu, lekha zikpa Barukh tawh jawlnei Jeremiah man dingin thu a pia. Himaleh, Lalpa‘n amau teni chu a sêlgu tai.

JEREMIAH 37:16

Tichun, Jeremiah chu In nuai lam tuikul ding ah kicho khuk sung a chun sawt tak a khum tau a.

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 38:13

Tichun, khauhual ah chun Jeremiah chu tuikul sung ah kipat chun a khaidok tau a. Tichun, Jeremiah chu gâlvêngte huang sung ah chun a um den tai.

JEREMIAH 38:22

Judah lengpa In sung ah numei kinusia, Babulon lengpa milian leh lalte’n a puidok lai tak ua zia gual ah gente hi ei musak ahi: La ginchak ma ma, la gualte’n hun thêm tha’n, a hun zawthaw bawl tau hi; tu’hin, la kengte chu buanthuak lak in a tâng ta’n, a hun nusia zo tau hi, a tiu hi.

DANIAL 6:16

Tichun, lengpa’n thu a hun pia ta; Danial chu a kiang ah hun pui in, Sakeibaknei kul sung ah chun a sep lut tau a. Lengpa chun Danial kiang in, “Ginum tak ah a na la sep piak, la Pathian chun hun hukdok ta hen!” a tia.

ZEKARIAH 9:11

Nangma â dinginle la kiang ah, thisan thuthung ka la siam tâk ziakin, tui umlona kawkhûk ah kipat in, la mi tângte chu hun thâ daw piak ing ka.

NASEPTE 16:24

A thuhil dungzui ua chun suangkul gil lam tak ah chun a koi ua, a keng uh bul det tak in a bultuk tau hi.

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.