JEREMIAH 38:5 - PATHIAN LEKHABU THIANGTHO (BSI)

⁵ Lengpa Zedekiah chun, “Ama chu zia hin a um hilam, ama chu la khut ua um ahi; nanghaw kãl in lengpa’n bangma ka bawl thei puai,” ti’n a dawnhu a.

JEREMIAH 38:5 ပူးပေါင်းရင်းမြစ်များ

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

2 SAMUEL 3:39

Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

JEREMIAH 26:14

Kei ka hileh vang la khut ua um ka hi. Pha leh dik lasak dan dan un ei bawl mai un.

JEREMIAH 37:17

Ziaphatchun, Lengpa Zedekiah in a ko ah, pha tak in a la lop a. Lengpa chun a In sung ah a guk in a kiholimpi ah, a kiang in, Lalpa‘n bang a gen mawng mawng em ti’n a dong a. Jeremiah in, Lalpa‘n thu a gen hi! Nangma hi Babulon lengpa khut ah piakdaw hiding la hi, ti’n a dawnhu a.

DANIAL 6:16

Tichun, lengpa’n thu a hun pia ta; Danial chu a kiang ah hun pui in, Sakeibaknei kul sung ah chun a sep lut tau a. Lengpa chun Danial kiang in, “Ginum tak ah a na la sep piak, la Pathian chun hun hukdok ta hen!” a tia.

DANIAL 6:17

Suang pakhat a hun lau ah, sakeibaknei kul kotkhak sit in a mang tau a; lengpa chun a min namna khutsebi zia suang chu tepte’ in, a milian leh lalte’n le a min namnau khutsebi ah tepte’ in, Danial chungchâng thu ah bangma sukdanglam thei lo dingin a bawl tau a.

1 SAMUEL 15:24

Samuel kiang ah Saul in, “Mipite ka lau ziak ah a thuu ka la mat tâk ziakin, Lalpa thupiak leh la thugen ka la botsia kha ta’n, ka la gilo ta ahi.

1 SAMUEL 29:9

Akhish in David kiang in, “Ka mit mu in Pathian van sawlchakte gual khop ah demna bei la hi ti ka hia’i; himaleh, zia Philistin sepai hotute hin, ‘Kido’na chun ei hun zui dau hen,’ a ti ziak bep uh ahi.