JEREMIAH 38:19 - PATHIAN LEKHABU THIANGTHO (BSI)

¹⁹ Lengpa Zedekiah chun Jeremiah kiang in, “Kaldai mite kiang ah lutsa Judah mite chu ka lau hi; amau khut ah ei pedok ah, ei suasal kha’n au ti ka lau hi,” a ti’n.

JEREMIAH 38:19 ပူးပေါင်းရင်းမြစ်များ

2 KHANGTHU 30:10

Lekhathot hawm ah chiate chun Ephraim leh Manasseh gam ah khawpi haw chu a ban ban in a chiau a, Zebulun gam tiang in a chuan suak tau a; himaleh, simmaw tak in a la nuisan in, a la hosia tau hi.

NEHEMIAH 4:1

Sanballat in kulbâng ka siam ui ti a hun het phat in, lungna ma ma in, a hachang a thak tun tun ta mai ah; tichun, Judate chu a êng êng in ei ho tai.

JOB LEKHABU 31:34

mipi tam tak âng ah din jachât ziak leh, Inkuanpite ei mu tawm ding lau ziak ah; thip bik bek ah kotkhak ah le, dakdok ngam lo ka hi chun;

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

JEREMIAH 20:7

Aw Lalpa, nang in lei jawl ah, tichun, jawl zaw in ka la um tai; keima sâng in la hatzaw’n, lei zo tai. Sun nitum tum ah nuizatbûk ka hita’n, mi zosia’n ei nuisan tau hi.

JEREMIAH 38:22

Judah lengpa In sung ah numei kinusia, Babulon lengpa milian leh lalte’n a puidok lai tak ua zia gual ah gente hi ei musak ahi: La ginchak ma ma, la gualte’n hun thêm tha’n, a hun zawthaw bawl tau hi; tu’hin, la kengte chu buanthuak lak in a tâng ta’n, a hun nusia zo tau hi, a tiu hi.

JEREMIAH 38:5

Lengpa Zedekiah chun, “Ama chu zia hin a um hilam, ama chu la khut ua um ahi; nanghaw kãl in lengpa’n bangma ka bawl thei puai,” ti’n a dawnhu a.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

JOHAN 12:42

Ahi’n la, thuneite lak ah le mi tam tak in ama chu a hun ging tau a; himaleh, kikhopna In ah kipat nawdaw a um khak diu a lau ziak un, Pharisaite ziakin langchang tak in a kipuang ngam puau hi.

VAIHAWMTE 16:25

Chun, a lungthim uh a hung lim ma ma phatin, “Samson chu vako un, kichawlimna’n mang hitiu,” a tiu a. Tichun, suangkul ah kipat in Samson chu a vapui dok ua, nunnop bawlna’n a mang tau a. Khuam pani kikâl in a din sak tau a;

VAIHAWMTE 9:54

Kin tak in a gâlvan chawi tangval a ko ah, a kiang in, “La chemjam jutdok inla, ei satlum ziang in; achutiloleh, min, ‘numei thâlup ahi,’ ei ti kha’n au,” a tia. Tichun, tangval chunle a chemjam chun a sun thil ah, a thi tai.

1 SAMUEL 15:24

Samuel kiang ah Saul in, “Mipite ka lau ziak ah a thuu ka la mat tâk ziakin, Lalpa thupiak leh la thugen ka la botsia kha ta’n, ka la gilo ta ahi.

1 SAMUEL 31:4

Ziaphatchun, Saul in a gâlvan chawipa kiang ah chun, “Zia zektanlote hin kinoptatna ei mat zaw nung ua ei thalup tho tho sâng un, la chemjam khan ei sun thil ziang tiam in,” a tia. Himaleh, a gâlvan chawipa chun a bawl ngam lo ziakin a nuam ta pua’n. Tichun, Saul in a chemjam a jukdok ah, a baw tai.