JEREMIAH 38:17 - PATHIAN LEKHABU THIANGTHO (BSI)

¹⁷ Ziaphatchun, Jeremiah in Zedekiah kiang ah chun, “Lalpa, sepai honte Pathian leh Israelte Pathian chun zia gual hin a gen hi: Babulon lengpa milian leh lalte mai ah la kipiak lut leh la hinna hukhin hi’ntin, zia khawpi hile mei ah hâl tum hipua’n tin, nang leh la Inkuan mite chu hing in lau.

JEREMIAH 38:17 ပူးပေါင်းရင်းမြစ်များ

THILSIAM THU 12:13

Nangma ziak ah bit tak ah ka umtheina ding leh ka hinna hawi ah a umtheina dingin, ‘A suapinu ka hi,’ ti mai in,” a ti’n.

2 LENGTE 24:12

Ziaphatchun, Judai gam ah Lengpa Jehoiakhin chu, Babulon Lengpa kiang ah chun, ama tawh, a nu tawh, a suakte tawh, a khawnbawlte tawh, a vaihawmna, kum giat a ti’n kum ah chun Jehoiakhin chu a pui mang tai.

2 LENGTE 25:27

Chuleh, Judai gam ah Lengpa Jehoiakim sal ah a kimat nung, kum sawmthum leh sagi a hung tin kum, a tha sawm leh ni’na, ni sawmni leh sagi a hung tin ni chun, Babulon Lengpa Merodakh migilo chun ama leng a hung hi kum ah chun, Judai dam ah Lengpa Jehoiakim chu a suangkul ngakna kipat chun a hun thâdok tai.

1 KHANGTHU 17:24

Chutichun, “Sepai honte Lalpa chu Israelte Pathian, Israelte â ding him ah Pathian ahi,” ti’n la min chu kumtuang ah hi’det in, chawihoi in um hen la; la suak David Inkuante chule la ma-âng ah hi’det in um tau hen.

EZRA 9:4

Ziaphatchun, saltânna’ kipat hung kile’kitte lak ah ginumlote ziakin, Israelte Pathian kamsuak ziakah lau ah kithing zosia chu, ka kiang in a hung khawm tau a, kei chule nitâk lam kithoina hun tiang in lungngai tak in ka kichu den tai.

JOB LEKHABU 23:13

Ama thu bep ah pansa ahiziak in, kua’n thêm zo ding a hem? A bawl nop taphot chu a bawl mai ngâl a.

SAM 80:14

Aw, sepai honte Pathian, hung kihei kit ta’n; van ah kipat in hun en suk inla, zia grep gui hi hun kantha ta’n;

SAM 80:7

Aw sepai honte Pathian, ei tung ding kit in; hukhin ah ka umtheina ding un, la mêl hung vâk ta hen!

JEREMIAH 27:12

Judai gam ah Lengpa Zedekiah kiang inle zia gual hin ka gen tai: Babulon lengpa ngawngkol bât unla, ama leh a mipite na chu sêm un la khawsau in.

JEREMIAH 27:17

A thugen uh chu ngai kiu inla, Babulon lengpa na sêm un la khawsa tau in. Bang ding ah zia khawpi hi a hawm ah nutsia hi mai ding a hem?

JEREMIAH 27:8

Himaleh, Babulon Lengpa Nebukadnezar nasêm nuamlote leh, Babulon lengpa ngawngkol bât nuam lo chu, a khut ah ka sukmangthai zaw masang sia, zia nam chu chemjam, kial, natpi’n gawt ding ka hi, Lalpa‘n a tii.

JEREMIAH 38:2

Lalpa‘n zia gual hin a gen hi: Kuale zia khawpi sung ah umden taphot chu, chemjam, kial leh natpi’n thi ding a hiu; ahi’n, kuale Kaldaite khut ah kipedok ziang tapo chu hing intin, a dam sung siau chu gâlhing mat gual ah um in, hing ding a hiu.

JEREMIAH 39:3

Jerusalem a lâk zaw phat un, Babulon lengpa milian leh lal zosia chu a hung un, Kotpi lailung ah chun a hung kichuu ah, ziate lak ah chun: Nergal-sharezer, Samgar-nebo, Rabsaris ah pang Sarsekim, Rab-mag ah pang Nergal-sharezer tawh, Babulon lengpa milian leh lal zosia tawh a hiu a.

JEREMIAH 40:9

Shaphan chapa Ahikam chapa, Gedaliah chun amau leh a sepaiteu kiang ah chun kihaksial hial in: “Kaldaite nuai ah lut khâk ziang ding chu lau kiu in. Zia gam ah hin umzing in la tiu in, Babulon lengpa na sêm leu chin, nang uh â dingin pha mai ding a hi.

JEREMIAH 44:7

Tu’hin chu, sepai honte Lalpa Pathian, Israelte Pathian chun zia gual hin a gen hi: Bang ding ah numei, pawsal, naupang leh nausen kidang lo ah Judai gam ah paithâk ah um ding leh a them a nênle nutsia ah umlo ding khop ah la chung ua zia gual thil phalo tak hi kibawl ahi tam?

EZEKIEL 8:4

Chuleh, phâijawl ah kilâkna ka la mu gual khan, Israelte Pathian lopina le a la um hi.

AMOS 5:27

ziaziakchun, Damaska khêl lam pek ah, sal ah hun pui mang ding ka hi, Lalpa‘n a tii; a min chu sepai honte Pathian chu ahi.