JEREMIAH 37:7 - PATHIAN LEKHABU THIANGTHO (BSI)

⁷ Israelte Pathian, Lalpa chun zia gual hin a gen hi: Judah lengpa, kei ei dong ding ah nang uh teni hun sawlpa kiang in, nanghaw panpi ding a hung kuan Pharaoh sepaite hi a gam lam uh, Aigupta lam ah kile’kit ngâl ding a hiu.

JEREMIAH 37:7 ပူးပေါင်းရင်းမြစ်များ

2 LENGTE 22:18

Himaleh, Judah Lengpa, nangmau hun sawlpa chun Lalpa chu thu a dot a hi; ziaziakchun, ama kiang ah chun zia gual hin gen tau in: Lalpa, Israelte Pathian chun zia gual hin a gen hi, la thu hiatte chun a hun koi dan takah chun,

2 LENGTE 24:7

Babulon Lengpa chun Aigupta lui ah kipat Euphrates lui chanah Aigupta Lengpa thuneina gam chu a lâkpiak tâk ziakin, zia nung sia chu Aigupta Lengpa chu a gam ah kipat in a hung pawtdok kit ta puai.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 36:6

Ngai un, luang tiangkhut bongsa, a mang taphot khut sutliam piak ziang tawhbang, Aigupta maw la kisuanpiu? Aigupta lengpa Pharaoh chung ah kinga tapo chu, zia gual chun hi’liam in a um sek him ui.

JEREMIAH 2:18

Chuti ahileh, Aigupta gam ah la chiau chu, Nail tuisik dawn bep lo ngâl, bang dang phatchuamna la muu em? Ahiloleh, Assuria gam ah la chiau chu, Euphrates tuisik dawn bep lo ngâl, bang dang phatchuamna la muu em?

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 2:37

La kisuanpiteu chu Lalpa‘n a paithâk tak ziakin, amau ah kipat in zakcha’n hung pawtdok kit in la tiu in, amau jal in vangphatna mu pua’n lau.

JEREMIAH 21:1

Lengpa Zedekiah in, Malkhiah chapa Pashhur tawh, Maasreiah chapa thiampu Zephaniah te chu Jeremiah kiang ah; Lalpa‘n bang gual thu ei gen piak diam ti dong ding ah sawl in, zia gual hin a vagen un:

JEREMIAH 21:2

“Babulon Lengpa Nebukadrezar in ei do tâk mai hi, Lalpa‘n ei panpi dingin ei dot piak in; Lalpa‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

JEREMIAH 37:3

Lengpa Zedekiah chu Shelemiah chapa Jehukal tawh, Maaseiah chapa Zephaniah thiampu chu jawlnei Jeremiah kiang ah, “Lungsiat in Lalpa I Pathian kiang un ei pauchap piak in,” ti’n a vadotsak hi.

JEREMIAH 37:5

Zia hun a chun, Pharaoh sepaite chu Aigupta gam ah kipat in a hung pawt tau a; Kaldaite Jerusalem bulu pêt chun, zia thu chu a het phat un, Jerusalem khua chu a nusia tau hi.

JEREMIAH 37:6

Ziaphatchun, Lalpa‘n jawlnei Jeremiah kiang in thu a hun gen a:

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

KÂ LATE 4:17

Panpi kinem ah thîlna’n ka mitteu a chau zo ta’n; ei hukdok thei lo ding, nam dangte lak ah kinem tak in I la thîl ui.

EZEKIEL 17:17

Pharaoh tawh a sepai hat takte chun, kido’na chun bangma panpi thei pua’n au; mi tam tak tha theina ding ah kul leh chângûkna tam tak bawl ahi tâk ziakin.

EZEKIEL 29:16

Aiguptate chu Israel Inkuante’n kisuanpi ngai ngai ta pua’n au; a panpi ding ah a vachial phat uh leh le, a la bawl khial dan uh hiatsak zaw ta’n au. Ziaphat chuleh, Kei hi Lalpa Pathian ka hi ti hun he ta’n au.

EZEKIEL 30:22

Ziaziakchun, Lalpa Pathian in zia gual hin a gen hi: Aigupta Lengpa Pharaoh chu ka do in, a khut thahât hitaleh, a bong tasa hilehle, hi’bong gêl ding ka hi; chuleh, a khut ah kipat chemjam khiak thâksak ta’ng ka.