JEREMIAH 37:18 - PATHIAN LEKHABU THIANGTHO (BSI)

¹⁸ Chuleh, Jeremiah in Lengpa Zedekiah kiang in zia gual hin a gen nalai a: “Nangma tawh, la suakte tawh, zia mipite chung ah hin bang ka bawlkhial ah, suangkul ah lei khum a hem?

JEREMIAH 37:18 ပူးပေါင်းရင်းမြစ်များ

THILSIAM THU 31:36

Chun, Jakob chu a hung lungna ta’n, Laban chu a vau tai: “Bang ka hi’khial ah, bang a hem ka gitlona, hiti lawm lawm ah lei hun delzui ziang hi?

THUPILTE 17:13

Phatna gitlona thuk sekte In ah kipat in, thil phalo kichawidok ngai pua’n a.

THUPILTE 17:26

Mawna bei gawt chu a dik pua’n, hotu lian chule a dikna vok chu a dik diak puai.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

JOHAN 10:32

Himaleh, Jesu’n, “Ka Pa ah kipat in nasep pha tam tak ka hun etsak tai. Bang pen ziak ah chu suang ah ei se gua la hiu em?” a tia.

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

NASEPTE 25:11

Thil hi’khial tak tak ka hi ah, thina ding hial ah gitlona nei ka hi chun thi le ka nial puai; himaleh, tu’ ei hêknau haw ah hin ka thiam lona bangma a mu puau ah, ziaziakchun, kuama’n amau khut in ei pia thei pua’n au. Lengpa kiang tung zaw ding ka hi,” a tia.

NASEPTE 25:25

Himaleh, ama hin thina ding tiang hial in bangma a hi’khial ka mu puai. Ziaziakchun, ama ngei hin Lengpa Augastas kiang lam ah thu tutsawn a nop ziakin, ama hi zia lam ah chun sawl ka gaw zaw ta ahi.

NASEPTE 25:8

Paul in a chung thu’n a dawnhu ah, “Judate dan leh, tempul leh Lengpa kãl in bangma ka bawl puai” a tia.

NASEPTE 26:31

a chia chiat phat un, a kiho ua, zia pa hin thina leh suangkul tânna khop bangma a hi’khial pua hilam, a tiu a.

GALATIA 4:16

Chutichun, thutak ka hun hilna ziakin la mêlmau ka hung suak zaw ta mai em?