JEREMIAH 36:9 - PATHIAN LEKHABU THIANGTHO (BSI)

⁹ Judai gam ah Lengpa, Josiah chapa Leng Jehoiakim lal kum ngana, tha kua a ti’n ni chun, Jerusalem ah mi zosia tawh, Judai gam khawpi kipat Jerusalem ah hung khawm zosia chun Lalpa âng ah anngawl ding thu a puang tau a.

JEREMIAH 36:9 ပူးပေါင်းရင်းမြစ်များ

2 KHANGTHU 20:3

Jehoshaphat chu a lau ma ma ziang ta’n; Lalpa a hun hawl phatin Judai gam pumpi anngawl ah pauchap ding thu a hun puang tai.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

JEREMIAH 36:1

Judai gam ah Josiah chapa, Lengpa Jehoiakim lal kum li’na’n; Jeremiah kiang in Lalpa‘n zia gual hin a hun gen a:

JEREMIAH 36:22

Zia hun ah chun lengpa a phalbi In ah kichu ahi’n, (tha kuana ahi ta’n,) mei le a âng ah chun a kitik a.

JEREMIAH 36:6

tichun, nang ngen in chia inla, ka kam ah ka gen dungzui ah savun lekhabu zial ah Lalpa thugen la zikdaw zosia kha, Lalpa In ah mipite anngawl ni leh a het ding un la va simdaw ding ahi. Chuleh, Judai gam ah mipi, a khuau ah kipat hung pawtdok zosia’n a het ding unle la simdaw ding ahi.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

THIAMPUTE LEKHABU 23:27

“Zia tha sagi’na, ni sawm ni’ chu Tatna ni hi’ntin; kihigimthei unla, Lalpa kiang ah mei ah thillat la lat ding uh ahi;

JONAH 3:5

Nineveh khua mipite chun Pathian a taksang tau a; anngawl ding thu a puang ua; mitin, a lian a neu in saidip puan a sil tau a.

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

VAIHAWMTE 20:26

Ziaphatchun, Israel mipi zosia tawh sepai zosia chu Bethel ah chia kit in, Lalpa âng ah kitung ah kap in, nitâk lam tiang in an a ngawl tau a. Chuleh, Lalpa âng ah hâlmang thillat leh kichamna kithoina thillatte a lân tau a.

1 SAMUEL 7:6

Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.