JEREMIAH 36:7 - PATHIAN LEKHABU THIANGTHO (BSI)

⁷ Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 36:7 ပူးပေါင်းရင်းမြစ်များ

2 LENGTE 22:13

“Chiau inla, keima leh mipite leh Judai gam ah mi zosiate chung thu dingin Lalpa thu vadong un; Lalpa lungnatna I chung ua kuang hi a nasa ta ma ma ahi, I pu leh pateu hin zia lekhabu thute hi a la limsak nuam puau ah, eimau chung thu ah zia thu kizikte hi a la khawksak lo uh ahi,” a tia.

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

2 KHANGTHU 34:21

“Zia Dan Lekhabu kizikte hi I pu leh pateu in a la zui tâk lo ziak un, I chung un Lalpa lungnatna huaisia tak chu a la tung ta hen; chiau inla, zia Lekhabu kimudok thute dungzui ah, keima leh Israel leh Judai gam ah um nalai sunte chungchâng hi, Lalpa kiang ah ei vadawp piak tiam un,” ti’n a sawl tai.

JEREMIAH 1:3

Chuleh, Judai gam ah Lengpa Josiah chapa Jehoiakim lal hun sung leh, Judai gam ah Lengpa Josiah chapa Zedekiah lal kum sawm leh khatna, a tha nga’na Jerusalem salmat ah a pûk ni tiang ah khan a kiang in Lalpa‘n thu a hun gen nalai hi.

JEREMIAH 16:10

Chun, zia thute hi mipite kiang ah la gen phat leh, amau in, “Bang ding ah Lalpa‘n ka chung ua siatna zia gual tuk ah huaisia hung tung ding chu a gen ah a hem? Bang a hem ka khawlonau? Lalpa ka Pathian chung ua ka bawl khial uh bang a hem?” ti ah a hun gen phat ua leh,

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 26:3

A leng ua ka thu chu a ngai ua, a thil bawlkhial ziak ua, a chung ua thil phalo ka bawl guatna ziak ah, a nunchan phaloteu chu a haisan thei khâk uh leh.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 37:20

Tu’hin, lengpa ka Lalpa, lungsiat in ka thu gen hi ngai in; ka dotna hi lungsiat in ei ngaithâk piak inla, lekhazikpa Jonathan In ah thi den ding bep in ei sawl lut kit lo hial in,” ti in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 12:3

thunung lo Inkuan ahi ngal un. Ziaziakchun, mihing, sal ah tâng ding gual in la van siam inla; chuleh, sûnchang lai tak in, a mit muu in saltâng dingin pawtdok in; a mit muu ah mun khat ah kipat mun chuam ah um dingin chia in. Thunung lo Inkuan himaleu, a hiat thiam khâk ua leh.

EZEKIEL 13:13

Ziaziakchun, Lalpa Pathian in zia gual hin a gen hi: Ka lungnatna thigawpi nunsak ing ka tin, ka hachangthakna tuisâng let intin, ka thangtawmna gial in sepsia ta’n a.

EZEKIEL 20:33

Ka hin sungsia, khut hat tak lâmsa’n, lungnatna leibua’n la chung un lal ah hung um ngei ngei ding ka hi, Lalpa Pathian in a tii.

EZEKIEL 22:20

Min hâltui ding ah dangka thîk, sum-eng, thîk tak, hâkngek leh langva hâltuina mei khuk ah pai lut ding ah a chom khawm gual un, ke’nle ka lungnat leh ka hachangthakna ziakin hun lakhawm in, hun hâltui ding ka hi.

EZEKIEL 5:13

A chung ua ka lungnatna butit ing ka tin, a chung ua ka thangtawmna sungtha’ng ka tin, ka lungdam ta’n ah; ka mitthîpna ziak ah Keima, Lalpa hin, a chung ua ka lungnatna buntha ka hi, ti hun he ta’n au.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

DANIAL 9:13

Mosi dan lekhabu a kizik gual gual in, zia thil phalo zosia hi ka chung un a tung tai. Ka thulim lona teu kiheisan ah, ama dikna lampi ka zuitheina ding un, Lalpa ka Pathian uh doisakna hawl in ka pauchap nai diak puau a.

DANIAL 9:18

Aw ka Pathian, la bildaw inla, ei ngaitha’n. La mit hak inla, ka chung ua siatna tung leh, la min ah kiphuak khawpi hi hun en ta’n. Ka diknau suang hilo in, la ja’ngaina nasat ziak zaw’n la man ka hun don uh ahi.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.