JEREMIAH 36:4 - PATHIAN LEKHABU THIANGTHO (BSI)

⁴ Ziaphatchun, Jeremiah in Neriah chapa Barukh chu a ko ah, Barukh inle Lalpa thugen zosia, Jeremiah in a gensawn gual tak in, savun lekhabu zial ah chun a zik lut suak tai.

JEREMIAH 36:4 ပူးပေါင်းရင်းမြစ်များ

ISAI 30:8

Tu’hin chia inla, a âng un suangpêk in sun inla, lekhabu’n zikdaw piak in; tu’nung phat leh, zia chu kumtuang ah amau hiatpitu ah, pangden ta ding ahi ngal a.

ISAI 8:1

Chuleh, Lalpa‘n ka kiang in, Lekha zikna ding suangpêk lian tak khat hun la’n la, a chung ah lekhamal lian in, “Maher-shalal-hash-baz â ding,” ti’n zik inla;

JEREMIAH 25:13

Zia gam chung ah chun, a chung ua tung ding ah ka la gendawsa, zia lekhabu a la kiziksa zosia, jawlnei Jeremiah in namtin chung ah thil tung ding a la gensa zosia chu hung guitung ta’n a.

JEREMIAH 30:2

Israelte Pathian, Lalpa chun zia gual hin a hun gen a: La kiang ah ka thu gensa zosia kha lekhabu’n zik in.

JEREMIAH 32:12

chuleh, ka paneu chapa Hanamel tawh, kichawkna lekha min zik ah hiatpitute tawh, lengpa vaihawmna huang sung ah chun zia kichawkna lekha chu Mahseiah chapa Neriah chapa Barukh khut ah chun ka pedok tai.

JEREMIAH 36:14

Ziaphatchun, milian leh lalte chun, Nethaniah chapa Jehudi, Kushi chapa Shelemiah tupa chu Barukh kiang ah, “Mipite het ding ah la lekhabu zial sim kha hun la’n la, hung tiam in,” ti ah vagen dingin a sawl tau a. Tichun, Neriah chapa Barukh in lekhabu zial chu hun chawi in a kiang lam un a hung a.

JEREMIAH 36:21

Ziaphatchun, lengpa’n lekhabu zial vala dingin Jehudi chu a sawl a; ama’nle lekha zikpa Elishama pindan ah um chu a vala, lengpa kiang ah ding milian leh lalte leh lengpa het ding in a simtha ta’n.

JEREMIAH 36:23

Jehudi in gual thum a hem, gual li a hem vêl bep a sim zaw phat in, lengpa’n chemcha’n a ât tel ah, a âng ah meikuang lak ah chun a sep lut ah, zia lekhabu zial chu a leng in a hâl tum tai.

JEREMIAH 36:26

Chuleh, lengpa chun a chapa Jerahmeel leh Azriel chapa Seraiah tawh, Abdeel chapa Shelemaiah te chu, lekha zikpa Barukh tawh jawlnei Jeremiah man dingin thu a pia. Himaleh, Lalpa‘n amau teni chu a sêlgu tai.

JEREMIAH 36:27

Jeremiah in a gen dungzui ah Barukh in a zikdawna lekhabu zial, lengpa’n a hâl tum zaw nung in, Jeremiah kiang in Lalpa‘n thu a hun gen kit a:

JEREMIAH 36:28

Lekhabu zial dang pakhat la kit inla, Judai gam ah Lengpa Jehoiakim in a la hâl tum, lekhabu zial ah thu umte ma ma kha zikdok kit in.

JEREMIAH 36:32

Ziaphatchun, Jeremiah in lekhabu zial dang khat a hun la’n, lekhazikpa Neriah chapa Barukh kiang in a hun pia, Judai gam ah Lengpa Jehoiakim in lekhabu zial a hâl tum, Jeremiah in a thute a gen gual gual in Barukh inle a thumal zosia chu a zikdok kit a; thumal kibang tampi le a belap hi.

JEREMIAH 36:6

tichun, nang ngen in chia inla, ka kam ah ka gen dungzui ah savun lekhabu zial ah Lalpa thugen la zikdaw zosia kha, Lalpa In ah mipite anngawl ni leh a het ding un la va simdaw ding ahi. Chuleh, Judai gam ah mipi, a khuau ah kipat hung pawtdok zosia’n a het ding unle la simdaw ding ahi.

JEREMIAH 43:3

Kaldai mite khut ah matsak ah ka um ua, ei thalup theina ding uh leh, Babulon lam ah sal ah ei pui theina ding un, Neriah chapa Barukh in keihaw do ding ah a hun chaw’phul mai mai la hi,” a hung tiu a.

JEREMIAH 51:59

Judai gam ah Lengpa Zedekiah, lal ahi kum li tin ah Babulon lam ah pui mang ahi lai ah a kitonpi, Seraiah, Neriah chapa, Mahseiah chapa kiang ah jawlnei Jeremiah in zia gual hin thu a pia; Seraiah chu lal In ah hotu lianpen ahi’n.

JEREMIAH 51:60

Babulon chung ah siatna hung tungding zosia chu, Jeremiah in lekhabu zial pakhat in a zikdok a, Babulon chung ah tung ding thute chu a leng in a jikdok suak a.

EZEKIEL 2:9

Ka et leh, khut pakhat in ei hun bân ah, a khut ah chun lekhabu kizial pakhat a um a.

DANIAL 7:1

Babulon Lengpa Belshazzar lal kum khatna’n, Danial in a lupna chung ah lum ah, a ngaituana leh a mang ah thil a mute chu. Zia a mang chu a zikdok ta’n:

ZEKARIAH 5:1

Chuleh, ka vak et to leh, lekhabu zial lêng tawl tawl khat ka mu ta’n.

ROMTE 16:22

Kei Tertia, zia lekha hun zikpa ngei hinle Lalpa min in chibai ka hun bûk hi.