JEREMIAH 34:9 - PATHIAN LEKHABU THIANGTHO (BSI)

⁹ mitin in numei hi’n, pawsal hileh, suak ah a vul uh Hebrai mi taphot chu a thâdaw chiat diu ahi; tichun, kuama’n a Juda nam chanpi lak ah mi suak in a vul thei lo ding ahi, ti in.

JEREMIAH 34:9 ပူးပေါင်းရင်းမြစ်များ

THILSIAM THU 14:13

Chun, a lak ua mi pakhat hung suakcha chun Hebrai mi Abram a hung hil a: Ama chu Amor mi, Mamre gangpi thingbul ah chêng ahi’n. Mamre chu a suapite Eshkol tawh, Aner tawh, Abram tawh pang khawm a hiu a.

THILSIAM THU 40:15

Hebraite gam ah kipat ei gûk mang uh ka hi’n; zia gam ah hinle suangkul ah lutna ding khop ah sukkhial bangma ka nei puai,” a tia.

PAWTDAWNA THU 2:6

A hon phatin a sung ah nausen chu a mu ta’n, a lungsiat ma ma ah, “Zia hi Hebrai nausente hi ngei ding ahi,” a tia.

PAWTDAWNA THU 3:18

La thu chu ngai in au; tichun, Israel upate tawh nangma Aigupta lengpa kiang in vachia to inla tiu in, a kiang in, ‘Lalpa, Hebraite Pathian chun kei uh ei kimupi hen; tuhin ka Pathian uh Lalpa kiang ah kithoina ka vabawl theina ding un gamthip lam ah, ni thum lam chiana gamla’n ei chiasak in,’ ti’n vagen unla.

JEREMIAH 25:14

Nam tam tak ah leng lopi tak tak te chun amau chu a suak ding un kisiam ta’n au; tichun, amau sep ga, a khut ua a sep uh tawh kiphutawk in a chung un thuk kit ta’ng ka.

JEREMIAH 27:7

Ama lenggam a pûk hun a tun masang sia, nam zosia’n ama leh a chapa leh a tupa na sep piak in au; ziazaw chuleh vang, nam tam tak leh leng lopi takte chun suak in mang ta’n au.

JEREMIAH 30:8

Sepai honte Lalpa chun zia gual hin a gen a: Zia ni phat chuleh, a ngawng ah ngawngkol chu khetbot piak ing ka tin, a thîkkol bûte chule hitan piak ta’ng ka; tichun, mêlhet lo mite chun suak leh sal in man ta pua’n au.

JEREMIAH 34:10

Chutichun, a leng un mi lian mi lal leh mipite zosia’n amau suakvul chiat uh numei hi’n, pawsal hitaleu, a thâdaw chiat theina ding ua kitiamna thuthung siam ah vapang zosia chun, zia thu chu a zui chiat tau ah; tichun, kuama suak ah a pan kit tâk lo’na ding un, thu chu mang in a leng un a thâdok suak tau hi.

1 KORINTH 6:8

Ahi, nangmau ngei in la suapiu chung ah le la hi’dik puau ah, zuau in la thêm sek uh ahi; gingtu la kiti nalai sêt un.

2 KORINTH 11:22

Hebrai mi a hiu maw? Kei le ka hi. Israel mi a hiu maw? Kei le ka hi. Abraham suante a hiu maw? Kei le ka hi.

DAN LEKHABU 15:12

Nanghaw lak ah kua’nle la chipiteu Hebrai pawsal a hem, Hebrai numei a hem khat la kiang ua a hun zawk uh a um ah, kum guk sung la nau a sep zaw phat ua leh, a kum sagi’na chun zia mihing chu la pawt dawsak ding uh ahi.

PHILIPPI 3:5

Ni giat ni’ zektan, Israel mi, Benjamin nam, Hebrai lak ah Hebrai ah piang, dan lam ah chun Pharisai ka la hi’n;

1 SAMUEL 14:11

Tichun, Philistin sepaite chu a paniu in a vakimu sak tau ah; zia phat ah chun Philistinte chun, “En tiam u, Hebraite kawhawm ah a kisêlnau ah kipat in a hung pawtdok ui,” a tiu a.

1 SAMUEL 4:6

Philistinte’n a kiko thawm uh a la het phat un, “Zia Hebraite giamun ah thawmgi hi bang thu ahi tam?” a tiuah. Lalpa thuthung thingkuang chu a giamun ua a puak tung uh ahi ti a het phat un,

1 SAMUEL 4:9

Aw Philistinte haw, hangsan tak ah pang in, kipawsalsak unla, Hebraite I suak ua a um gual un amau nuai ah I umlona ding un kipawsalsak unla, do un,” a tiu a.