JEREMIAH 33:9 - PATHIAN LEKHABU THIANGTHO (BSI)

⁹ Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 33:9 ပူးပေါင်းရင်းမြစ်များ

2 KHANGTHU 20:29

Israelte mêlmate zosia Lalpa‘n do piak ahi ti a het ziak un, a kîmvêl ua lenggam zosiate chun Pathian launa a hun nei chiat tau hi.

NEHEMIAH 6:16

Ka mêlmateu zosia’n zia thu chu a het phat un, ka kîmvêl ua namdangte zosia chu a lau ta ma mau ah; ka Pathian un ei panpi’na jal ah zia chu mualsua ka hiu ti ei het ziak un, a mai uh a mual chiat tai.

ESTHER 8:17

Lengpa thupiak tunna gambung tin leh khawpi tin ah chun, Judate â ding ah kipakna leh limna a um ziakin, luaithe’na leh awllênna’n a mang tau a. Zia mai chule hilo in, Judate a lau ziak un mi tam tak chu Juda mi ka hi ti’n a hung pang tau hi.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 40:3

Ka kam ah La thak a koi in, I Pathian pâkna La ngei chu. Mi tam tak in zia chu mu’n, lau intiu in, Lalpa ging ta’n au.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 55:13

Hampa lingnei ke’na mun ah chun, châkthingte hung kekdok ta’n tin; theimi lingbuk ke’na mun ah chunle, vaisuaklu hung kek ta’n a; zia chu Lalpa â ding ah kumtuang ah, tepte’na leh mêlchikna hung hita’n tin, kuama’n ziate chu vât tha ta pua’n au.

ISAI 60:5

Ziaphat chuleh, mu’n la tin vâkdok ta’n la; la lungthim thanuam talua’n kipak intin, tuisuagiat ah hausakna leh, namtin hausakna chu la kiang ah, hun paw tung ding ahi ngal un.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 62:7

Jerusalem khua chu a tundin kit a, khawvel pumpi pakchat ah a siamdaw kit masang sia, nanghaw, Lalpa hezing tapote chu, kimawk chawl ziang kiu inla, ama le kichawl damsak kiu in.

ISAI 64:2

mei in munphi thing a kat kuang puat puat ah, tui a chiaksak bul bul gual ah, la ma-âng ah mualte a kithin theina ding un, vante botthêk in hung kum suk mai lechin aw!

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 29:1

Jawlnei Jeremiah in, Jerusalem khua kipat Nebukadnezar in Babulon lam ah sal ah a puite lak ah, a dam nalai sunte lak ah thiampute, jawlneite leh mipi zosiate kiang in, Jerusalem ah kipat in zia gual hin lekha a thot a.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

JEREMIAH 31:14

Thiampute an tui pen in vâkva ing ka tin, ka mipite chu a kiningtin ziak un lungkim ta’n au, Lalpa‘n a tii.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

JEREMIAH 32:42

Lalpa‘n zia gual hin a gen ngal a: Zia mipite chung ah siatna zia zozaipi hi ka la tunsak gual gual hin, amau â ding ah thilpha ka la tiamsa zosia hile hun tunsak kit ding ka hi.

JEREMIAH 33:14

Israelte Inkuan leh Judate Inkuan chung ah thil bawl ding ah ka tiamte guitunna ding nite chu hung tung ding ahi tai, Lalpa‘n a tii.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

JEREMIAH 44:8

La vachênnau Aigupta gam ah pathian dangte kiang ah kithoina lân ah, bang ding ah la khut nasepteu ma ma ah ka lungnatna choktho la hiu em? Khawvel namtin lak ah hânsia law leh gensiat ah um dingin hun paitha ma ma ding ka hi em?

JEREMIAH 49:25

Bangtidan ah khawpi minthang leh, kipakna khawpi chu, nutsia ah um ziang ahi tam?

EZEKIEL 26:20

tuan ah tâng ah a la chiasate zotna, Mithi khua lam ah ka hun sot lût phat leh, tuan ah tâng ah mithi khua a la chêngsate lak in, nuaimi lam ah chêng ding la hitâk ziakin, mihingte chênna khawvel ah hin mun nei ta pua’n la tin, a lak unle chêng ta pua’n la.

EZEKIEL 36:35

Chuleh, “Zia gam nutsia ah um kha Eden huan gual ahi kit in; khawpi hisiat leh nutsiasate le chênkitna leh kulpi ah ûm bit ahi kit tai,” ti ta’n au.

EZEKIEL 39:13

Gam sung ah mipi zosia’n mithi vui ta’n au; tichun, ka lopina ka etsak phat leh, amau inle ja’na chang ta’n au, Lalpa Pathian in a ti ahi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

ZEKARIAH 1:17

Zia thu hile genjak un: Sepai honte Lalpa chun, “Ka khawpite chu hausakna’n luanglet kit intin; Lalpa‘n Zion chu thamuan kit ta’n tin, Jerusalem le têlchuam kit ta’n ah, ti’n,” ei hun tia.

ZEKARIAH 12:2

En un, Jerusalem chu a kîmvêl ah mipi zosia â ding ah khamna no in siam ding ka hi; Jerusalem khawpi bulu ah a um phat leh, Judai gam chule bulu in um ta’n a.

DAN LEKHABU 30:5

La pu leh pateu in a la luanau gam chu Lalpa la Pathian un hun pui lût kit in, hun luasak kit in ah; la pu leh pateu sâng ah tam zaw leh maljawlna dong tam zaw’n hun siam kit ding ahi.