JEREMIAH 33:3 - PATHIAN LEKHABU THIANGTHO (BSI)

³ Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

JEREMIAH 33:3 ပူးပေါင်းရင်းမြစ်များ

SAM 145:18

Lalpa‘n thutak ah ama kote chu a nai sek in, thutak ah ama ko tapote chu.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

ISAI 45:3

Keima hi Lalpa, la min ah hun kopa, Israelte Pathian chu ka hi ti la hettheina dingin, thim lak ah go thil kisêlgute leh, a gûk ah go thil kisêlgute chu, hun pia ding ka hi.

ISAI 48:6

La he suak ta’n; tu’hin zia zosia hi en ah, puangdok lo ding la hi em? Tu’hun ah kipat hin zia thil thak, la la het khâk lo thil kisêlgute chu, hun hiatsak pan ding ka hi tai.

ISAI 65:24

Ei ko masang un dawnhu ngal ing ka tin, a gen zaw masang un a la ngaitha ngal ding ka hi.

JEREMIAH 23:35

Zia gual hin la lak un la kidongtua zaw ding uh ahi: “Lalpa‘n bang gual in a dawnhu em?” ti a hem, “Lalpa‘n bang a gen em?” ti hi zaw hen.

JEREMIAH 29:12

Ziaphat chuleh, lei ko ua, ka kiang ah la hung pauchap uh chun, hun ngaitha ding ka hi.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 32:27

“Ngai in, keima Lalpa hi, mihing zosiate Pathian chu ka hi; kei â dingin a haksa talua bang a um em?” ti in.

DANIAL 2:18

Danial leh a lawite pum ah Babulon mipil zosia thalup a hilo’na ding ua, van Pathian in zia thugûk chu a hiatsak theina ding ah a ja’ngaina don dingin a hil a.

DANIAL 2:22

Thugil leh kisêlgute a tâklang in, thim ah umte le a hia’n, a kiang in vakna a um hi.

DANIAL 2:23

Aw, ka pu leh pate Pathian, nang in pilna leh hâtna lei pia ta’n, la kiang ah ka thil dot uh ei hiatsak in, lengpa’n ei phût chu lei hiatsak tâk ziakin, la kiang ah kipak thu gen in ka hun chawihoi hi,” ti in a gen tai.

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

MIKAH 7:15

Aigupta gam ah kipat la hung pawtdok lai gual ah khan, thilmak leh kidangte chu ei mu sak ta’n.

MATTHAI 13:35

Jawlnei in zia thu a la gen hi a guitunna ahi: Tekhinthu gen na’n ka kam ka’ng ka tin, khawvel kisiam lim ah kipat, thil a la kisêlgute chu gendok ing ka, a ti kha.

NASEPTE 2:21

Ziaphat chuleh, kuale Lalpa min lam tapo chu, hukdam in um in au, ti kha.

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

DAN LEKHABU 4:29

zia kipat chun, Lalpa la Pathian uh chu, la lungthim leh ngaituanau zosia ah, la hun hawl phat ua leh mu kit bep ta’n lau.

DAN LEKHABU 4:7

I ko phat si’n leh naicha um zing, Lalpa I Pathian uh gual hi, kua nam inle pathian dang a nei kha ngai him him ua a hem?

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.