JEREMIAH 33:2 - PATHIAN LEKHABU THIANGTHO (BSI)

² Khawvel siamdokpa leh tundin ding dan guanggal ah tungdokpa Lalpa, a min Lalpa chun, zia gual hin a gen hi:

JEREMIAH 33:2 ပူးပေါင်းရင်းမြစ်များ

SAM 102:16

Lalpa‘n Zion chu tung ding kit intin, a lopina kithuam in hung kilang kit in a.

SAM 87:5

Zion chungchâng thu ah chun zia gual hin gen in au: “Zia pa hi tawh zia pa saw zia tak ahi piang a hiu,” ti’n au. Chungnung Penpa chun zia chu a phudet ahi ta’ngal a.

PAWTDAWNA THU 15:3

Lalpa chu galdona hat; A min Lalpa chu ahi.

PAWTDAWNA THU 6:3

Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 37:26

Malai pek ah kha ka la guanggalsa ahi tai ti, henai lo la hi em? Kulpi det nei khawpite chu, suang kisia khawm gual ah ka hun bawlsak hi, tuan ah tâng ah ka la guanggal sa, tu’hun ah ka guitunsak ahi.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 62:7

Jerusalem khua chu a tundin kit a, khawvel pumpi pakchat ah a siamdaw kit masang sia, nanghaw, Lalpa hezing tapote chu, kimawk chawl ziang kiu inla, ama le kichawl damsak kiu in.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 16:21

“Ziaziakchun, amau hil ding ah ka chia tei tei ding ahi; tu chung ah hin, ka thilhithei dan leh ka hat dan hil ding ka hi; tichun, ka min chu Lalpa ahi ti he ta’n au,” ti in.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

JEREMIAH 51:19

Jakob chanvo Lalpa chu vang, zia gual chu a hipua’n, thil zosia siamdokpa ahi’n; Israelte hi a gochan namte chu a hiu; sepai honte Lalpa chu a min ahi.

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

AMOS 9:6

ama’n a pindan chungnung van ah a siam in, lei chung khû dingle a siam hi; tuisuagiat ah tuite a kodok ah, lei tual ah gawtui zuksak pa, a min chu Lalpa ahi.

HEBRAITE 11:10

Ama’n khawpi buldet Pathian siam leh sak chu a ngâk hi.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

THUPUAN 21:10

Thagau in ei pui ah, tâng sâng tak leh lian tak chung in ei pui a; van ah Pathian kiang ah kipat hung kitawl suk, khawpi thiangtho Jerusalem chu ei etsak a.

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.