JEREMIAH 32:5 - PATHIAN LEKHABU THIANGTHO (BSI)

⁵ Kaldaite chu do maleu chinle, zo pua’n la tiu in; tichun, Zedekiah chule Babulon ah pui tung intin, ka hung kanthâk kit masang sia um den ta’n a, Lalpa‘n a tii, ti ah bang ding ah la gen a hem?” a ti’n.

JEREMIAH 32:5 ပူးပေါင်းရင်းမြစ်များ

2 KHANGTHU 13:12

Ngai un, Pathian chu ka hotu pen uh ahi’n, a thiampute chun kidona pengkulte chu chawi chiat in, nanghaw do ding ah mipi ko khawm zing dingsa pang zo a hitau hi, ti’n a gen a.

2 KHANGTHU 24:20

Ziaphatchun, thiampu Jehoiada chapa Zekhariah chu Pathian thagau in a hun thuam ah; mipite muthei dingin a dingdok ah, a kiang un: “Pathian in zia gual hin a gen hi: Bang ding ah la lamzan theilo khawlawna hial ding ua Lalpa thupiakte botsia ziang la hiu em? Lalpa chu la kihei mangsan tâk ziak un, ama’nle a hun kiheimangsan ta a hi, a tii,” ti’n a gen a.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

JEREMIAH 2:37

La kisuanpiteu chu Lalpa‘n a paithâk tak ziakin, amau ah kipat in zakcha’n hung pawtdok kit in la tiu in, amau jal in vangphatna mu pua’n lau.

JEREMIAH 27:22

A leng un Babulon lam ah puak mang hi’n tiu in, amau ka hun kanthâk kit masang sia, zia tak ah chun um zing ta’n au, Lalpa‘n a tii. Ziazaw chuleh, keima’n puidok kit ing ka tin, zia mun ah hin tungding kit ding ka hi, ti in.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 32:6

Jeremiah in a dawnhu a, “Lalpa‘n ka kiang in zia gual hin a hun gen hi:

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

JEREMIAH 37:10

Nanghaw hung do Kaldai sepaite zosia chu zo in, puanbûk ngak a liamte bep chu um maleule, hung kipan kit in zia khawpi hi hun hâl tum zo tho tho ding a hiu ti’n gen un, a ti tai.

JEREMIAH 39:4

Judai gam ah Lengpa Zedekiah tawh a sepai zosia’n a mu phât un, lengpa huan lam ah a bâng thuani kikâl ah kigel gu’n, jan kâl in Arabah lam in a la tai mang tau a.

JEREMIAH 39:5

Himaleh, Kaldai sepaite chun a delzui tau ah, Jeriko phâijawl ah Zedekiah a delpha tau a; a hun mat phat un Hamath gam ah Riblah mun ah um Babulon Lengpa Nebukadrezar kiang in a hun pui tung tau a; a chungchâng thu ding a gen piak ngal tai.

JEREMIAH 39:7

Zedekiah mit teni a kheldaw piak ah, Babulon lam ah pui dingin thîkkhau in a hên tai.

KÂ LATE 1:14

Ka bawsiatnate ziakin, ngawngkol tawh hêndên ka hi’n; a khut in ei kân khawm a; ka ngâwng ah bât in, ka tha zosia a ke tai; ka nan zaw lo dingte khut in, Lalpa‘n ei pedok tai.

EZEKIEL 12:12

A lak ua lal chapa um pen chun, a van chu thim lak in a liangko ah pua’n, chia ta’n a; bâng chu phe hawm intin, zia hawm ah chun pawtdok in a; chuleh, a chiana ding khua a mutheilo’na dingin a mai puan in tuam in a.

EZEKIEL 12:13

Ka lên in khû ing ka tin, ka thâng in awk ta’n au; chuleh, Kaldaite gam, Babulon lam ah pui mang ing ka tin, ama’n vang bangma mu pua’n a; chuleh, zia chun thiden ta’n a.

EZEKIEL 17:15

Himaleh, sakol tam tak tawh sepai tam tak a hun sawl piak theina dingin, Aigupta gam ah palai sawl in a helpan ta’n. A lawting na diam? Zia gual ah bawlte chu a suakcha na diam? A thutiam bawtsia’n ama a suakcha theina diam?

KISIMNA LEKHABU 14:41

Ahi’n, Mosi’n, “Bang ding ah Lalpa thupiak botsia nalai lai la hiu em? Zia chung thu ah hin lawting lo ding la hiu.