JEREMIAH 32:41 - PATHIAN LEKHABU THIANGTHO (BSI)

⁴¹ Amau â ding ah thilpha bawl chu ka lung lam hita’n a; tichun, zia gam ah hin ka lungthim leh ngaituana zosia tawh, ginumna’n phudet ta’ng ka.

JEREMIAH 32:41 ပူးပေါင်းရင်းမြစ်များ

SAM 80:8

Aigupta gam ah kipat in grepgui la hun ladok in; nam dangte deldok in, amau chu la phu ta’n.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

ISAI 65:19

Jerusalem chung ah kipak ta’ng ka tin, ka mipite chung inle lim ta’ng ka; a sung ah chun kâ thawm leh, thavai kiko thawm het hita pua’n a.

JEREMIAH 18:9

Chuleh, nam khat a hem leh lenggam khat a hem chung ah tundin ding thu leh, phudetna ding thu ka la gen hiziang ta maleh,

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 31:28

Amau botdok ding, susia ding, paimang ding leh sugenthei ding leh a chung ua siatna tunsak ding ah ka la ensui zing gual ah khan, tungding kit ding leh phudet kit dingin ensui zing ding ka hi, Lalpa‘n a tii.

EZEKIEL 36:36

Ziaphat chuleh, la kîmvêl ua namdang um zosia’n, Keima Lalpa hin mun sesa bawlpha kit in, nutsia ah um zosia lua kitsak ka hi, ti hun he ta’n au; Keima Lalpa hin ka la ti ta’n, zia chu hun bawl ding ka hi, ti in.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

AMOS 9:15

A gam un phu ing ka tin, a gam ding uh ka piak ah kipat chun bawdaw kit hita pua’n au, ti’n Lalpa, la Pathian un a gen hi.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

DAN LEKHABU 30:9

zia dan lekhabu ah kizik gual ah hin, Lalpa la Pathian uh paukam ngaitha’n, a thupiakte leh a vaihawmna thute la zop ua; chuleh, la lungthim zosiau leh la ngaituanau zosia ah Lalpa la Pathian lam uh la hun ngat phat uh leh,