JEREMIAH 32:40 - PATHIAN LEKHABU THIANGTHO (BSI)

⁴⁰ Amau â ding ah thilpha bawl ding thul lo ah ka bawl piak zing theina dingin, a kiang un kumkhaw thuthung siam ding ka hi; keima ei nutsia kit lona ding un, a lungthim un kilausak ding ka hi tai.

JEREMIAH 32:40 ပူးပေါင်းရင်းမြစ်များ

2 SAMUEL 23:4

jingkal khawvak lim gual leh, sûmpi umlo jingkal ah nisa suak gual leh; hampa chung ah gawzu, val sit set gual chu ahi.

SAM 80:19

Aw sepai honte Pathian, ei tung ding kit in; hukhin ah ka umtheina ding un, la mêl hung vâk ta hen.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 50:5

Zion lam nga’n, a lampi ding dong malam pek in, kumtuang thuthung, bangmatik ah le hetmil tâk lo ding ah Lalpa tawh kizopna nei in hung khawm ta’n au.

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

EZEKIEL 36:27

La sung ah ka thagau koi ing ka; tichun, ka dante hun zuisak ta’ng ka tin, ka dan thuguatte chingthei tak in zui ta’n la.

EZEKIEL 37:26

Amau tawh kichamna thuthung siam ing ka tin, zia chu a kiang ua ka kumtuang thuthung hita’n a; maljawl in, hi’pung ing ka tin, a lak un kumtuang ah umden dingin ka mun thiangtho chu koi ta’ng ka.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

MIKAH 4:5

Chitinte’n amau pathian chiat zui ta ding ahi ngal un; ei hawn vang, Lalpa, I Pathian min un, kumtuang kumtuang in zui tai tiu.

DAN LEKHABU 31:6

Hat tak leh hangsan tak in um un; amau chu lau kiu inla, lunglel him him kiu in; Lalpa la Pathian un a hun umpi zing ngâl a; ama’n hun lawsap sak ngai pua’n tin, hun nusia diak pua’n ah,” a tia.

DAN LEKHABU 31:8

Lalpa la Pathian un la mau a pui pek hi. Hun umpi zing intin, hun lawsapsak lo ding leh hun nusia ngailo ding ahi ngâl a. Lau kin la, lungthuai diak kin,” ti’n a thamuan a.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

HEBRAITE 4:1

Ziaziakchun, lau hitiu, chutilochun, a cholna lutna thutiam um zing ngal in, la lak un a ting zo lo um kha tawl in lau.

HEBRAITE 7:24

himaleh, ama’n vang kumtuang ah um zing ahiziak in, a thiampu hi’na chule danglam talo ahi.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.