JEREMIAH 32:39 - PATHIAN LEKHABU THIANGTHO (BSI)

³⁹ Amau leh a tu leh chateu tiang â ding ah thilpha a hitheina ding ah, kumkhua ei lau theina ding un, lungthim ngaituana leh tawidan kibang pia ding ka hi.

JEREMIAH 32:39 ပူးပေါင်းရင်းမြစ်များ

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

SAM 112:1

Lalpa chu pâk un! Lalpa laute chu a nau a vak hi; a thupiakte ah nasa tak ah kipak mite chu.

SAM 128:6

La tute khang tiangle hun mu ta’n. Israel chung ah thamuanna um ta hen!

SAM 86:11

Aw Lalpa, la lampi chu ei kawkmu in, la thu tak ah ka chiatheina ding leh, la min ka ja theina dingin, lungthim thiangtho ei pia’n.

THUPILTE 23:17

Mi gilote chu êng him him kin la, Lalpa chu lau zing zaw’n.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 52:8

Ngai un! La gâlvêngteu in aw a sua ui, a leng un kipak in La a sa khawm ui; Zion ah Lalpa hung kit chu, a mit chiat un a mu ta’ngâl un.

ISAI 65:23

A thawn in sêmgim pua’n tiu in, a chateu chule buaipi ding bep in piang pua’n au; amau leh a chateu chu Lalpa maljawlna chate, hita ding ahi ngal un.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:40

Amau â ding ah thilpha bawl ding thul lo ah ka bawl piak zing theina dingin, a kiang un kumkhaw thuthung siam ding ka hi; keima ei nutsia kit lona ding un, a lungthim un kilausak ding ka hi tai.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

EZEKIEL 37:22

A gam uh, Israel tângte ah chun, nam khat in siam ding ka hi; a leng ua chung in lal pakhat bep in vaihawm ta’n a. Nam chuam pani’n kikhen kit ta pua’n tiu in, lenggam pani inle kikhen kit ta pua’n au.

EZEKIEL 37:24

Ka suak David a chung un lal hita’n ah; tichun, belampu pakhat bep kikop ta’n au. Chuleh, ka dan bawlte zui ta’n tiu in; chuleh, ka thuguatte chingthei tak in mang ta’n au.

EZEKIEL 37:25

La pu leh pateu a la chênnau, ka suak Jakob kiang ah ka piakna gam ah chun chêng intiu in; a kum a khua’n amau leh a tu leh a chateu tiang in chêngden ta’n au; chuleh, ka suak David chu kumtuang in a lal uh hita’n a.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

NASEPTE 13:33

Pathian in Jesu a hun kaithaw kitna ah hin, eihaw a chate kiang ah hin zia chu a hun sukguitun dan ei hilna ahi; Pâkna Labu panina chun: “Nang hi ka Chapa, tu’ni hin ka hun hin la hi,” ti’n a la kizik ah.

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

ROMTE 11:16

Chuleh, gamasa gual ah changbuang kilân chu a thiantho leh, a leng ah thiangtho ahi’n; a zung chu a thiantho leh a bâkte le a thiangtho ui.

1 KORINTH 7:14

Pawsal ginglo mi chu a ji vang in hi’thiantho in a um in, ginglo mi a ji chu a pawsal ziakin hi’thiantho in a um hi. Chutilochun, la chateu chu buak in au; ahi’n la, a thiangtho zing nau hi.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

DAN LEKHABU 6:2

nangma leh la tû leh chateu in Lalpa la Pathian uh la lau ua, la dam sung siau a dan te leh a thupiakte la zui ua, la dam sung kumteu hi’sau a hitheina dingin.

DAN LEKHABU 6:24

Lalpa chun bangchan ahle I phat theina ding un, Lalpa Pathian I lau zing ua, tu’ni gual ah hing leh dam ah ei humbit theina dingin, zia dan zosia hi zawm dingin thu ei la pia ahi.

HEBRAITE 10:20

lampi thak leh hing ei guat piak chu haw in, (zia chu puanjak ah taksa ti’na ahi.)