JEREMIAH 32:34 - PATHIAN LEKHABU THIANGTHO (BSI)

³⁴ Ka min chuanna In chu subuak dingin, a milimteu chu a tâkdok tau a.

JEREMIAH 32:34 ပူးပေါင်းရင်းမြစ်များ

2 LENGTE 21:1

Manasseh chun vai a hun hawm pat lai ah chun kum sawm leh ni ah upa a hi bep nalai ah; tichun, Jerusalem ah chun kum sawmnga leh nga sung vai a hawm ah. A nu chu Hephzibah ahi.

2 LENGTE 23:6

Tichun, Lalpa In ah Asherah milim umte chu a hun ladok ua, Jerusalem pawlam pek ah Kidron lui lam in a puau ah; zia Kidron luidung ah chun a hâl tum ua, a vâm chule a gawt buang dim diam ua, a mipite chate thân chung in a the’ tau hi.

2 KHANGTHU 33:15

Lalpa In sung ah kipat chun gam dangte pathian leh milim haw zosia chu a ladok ah; chuleh, Lalpa In umna tâng leh Jerusalem khua a mâichâm siam zosia chule khawpi pawlam in a paidok sik sek tai.

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 23:11

Jawlnei chunle thiampu gual tho in, Pathian a ngaisak ta puau a; ka In sung natiang in a nunsiatnau chu ka mu tai, Lalpa‘n a tii.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 34:15

Tu’naicha khan nang un la thilbawl dan uh kisik in, ka mit mu ah thilpha bawl in, mi tin thâdaw’na ding thu la puang tau a; chuleh, ka min ah ko ah umte In sung ah kipat in, ka kiang ah thuthung la la siam tau a;

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 7:10

ka kiang lam ah hung in, zia In, keima min ah kisa ah hin ka ma-âng ah hung dingin, zia gual thil ki’dak um zosiate hi bawl zing kawm in, “I bit nalai ui,” ti tei tei nalai ding la hiu em?

JEREMIAH 7:30

Ka min ah kisa In chu subuak dingin, ki’dak um tak thilte a sung in a koi un; Judai gam ah mite chun ka mit mu in thil phalo tak a bawl ta’ngal un, Lalpa‘n a tii.

JEREMIAH 7:31

Hinnom chapa guam ah chun, a chanuteu leh a chapateu mei ah latna dingin Topheth thoimualte a siam ui; zia gual ah chu bawl dingin thu ka pepua’n, ka ngaituana’nle a um kha puai.