JEREMIAH 32:30 - PATHIAN LEKHABU THIANGTHO (BSI)

³⁰ Israel mite leh Judai gam ah mipite chu, khangdawng ahi lai ua kipat ka mit mu ah thil phalo bawlte ngen a la hi’ngal un; Israel mipite chunle a khut un ka lungnatna ding ngen a bawl ta’ngal un, Lalpa‘n a tii.

JEREMIAH 32:30 ပူးပေါင်းရင်းမြစ်များ

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 25:6

pathian dangte nasep piak ding leh, ho ding leh la khut nasep ua ka lung a natna dingin chia mang kiu in. Chuti gual ah la um uh chun, hun gawt lo ding ka hi,” a ti sek un.

JEREMIAH 25:7

Chutisapi’nle, lei ngaisak nuam puau ah; tichun, la khutsuak thilteu chun ei sulungna’n, nang uh â ding ah thil phalo la kibawldaw ta zaw sek ui, Lalpa‘n a tii.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 44:3

a chêngte’n thil phalo bawl ah ei la suklungnat ziak un. Amau chun pathian dang, a pu leh pateu, nangmau leh amau ziang inle a la ho khâk ngailoteu chu ho in, a kiang ah kithoinate a la lân tau a.

JEREMIAH 44:8

La vachênnau Aigupta gam ah pathian dangte kiang ah kithoina lân ah, bang ding ah la khut nasepteu ma ma ah ka lungnatna choktho la hiu em? Khawvel namtin lak ah hânsia law leh gensiat ah um dingin hun paitha ma ma ding ka hi em?

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

EZEKIEL 23:3

a neulai ua, Aigupta gam ah a um lai ua kipat ah nawchizuak a la hi’tâk ziak un, a kizuak thanghuai tau ah; a nawi uh a khoi piak un, a nungak ânglai uh kihelna’n a mang tau hi.