JEREMIAH 32:23 - PATHIAN LEKHABU THIANGTHO (BSI)

²³ tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

JEREMIAH 32:23 ပူးပေါင်းရင်းမြစ်များ

EZRA 9:7

Ka pu leh pateu hun laiah kipat tu’ni tiang hin ka gitlo’nateu chu a gil ma ma ta’n; keimau, ka lengteu leh ka thiamputeu khawlo’na ziak un, gam dangte lengte khut leh chemjamte âng leh, saltânna munte leh, gâl lâk ding leh mualphona zâhuai tak, tu’ni ka tuak gual uh hin ka la tuak tau ahi.

NEHEMIAH 9:15

A gilkial phat un van ah kipat in vaithum la pia, a dangchâk phat un suangpi ah kipat in tui la luandaw sak in; chuleh, a kiang ua piak la tiamna gam lam ah chia ah luaden dingin la hil tai.

SAM 78:10

Pathian thuthung a vop puau in; a dan dungzui ah um a nial nalai un.

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 26:4

A kiang un zia gual hin gen inla: Lalpa‘n zia gual hin a gen hi, ti’n: Ka thu ngai lo ah, la masang ua ka dan koite la zui lo ua,

JEREMIAH 44:10

Tu’ni tiang hin kisik limle pu lo leh lau mêl him himle la pu nai puau ah; chuleh, la pu leh pateu leh nanghaw âng ah ka dan thu leh ka thuguatte la zui nai diak puau hi.

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

KÂ LATE 1:18

Lalpa vang a dik hi, a thupiak dodâl in ka la hel ta mai un; himaleh, ngai un, ka mipite haw, ka genthei dan hi ngaituau in; ka nungakte leh tangvalte sal in a tâng zo tau.

KÂ LATE 1:8

Jerusalem chu lungkham um tak in a gitlo tâk ziakin, nuisan ah hung um ahi; ama ja zosia’n a simmaw tau a, a ngawnchang hi’na a mu tâk ziak un; lungngai in a thûm ta’n, a mai a sêlmang tai.

EZEKIEL 20:18

Gamthip ah khan a chateu kiang ah, la nu leh pateu dan zui kiu inla, a thuguat uh le mang kiu inla, a milimteu inle kisubuak kiu in, ti’n ka la gen ta ahi.

EZEKIEL 20:21

Himaleh, a chateu chu ka chung in a hel tau a; ka thuguatte chu zui lo in, ka vaihawmnate chu mitin in a zui ua, a hinna ding uh chu zawm dingin a vop diak puau in; ka sabbath nite le a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

LUKA 17:10

Zia gual ma chun, nanghaw’nle la kiang ua thupiak zosia gual ah la bawl nung un, ‘Suak phachuam lo I hiu, I sep uh hi I sep ding him uh ahi’ ti sek un,” a tia.

JOHAN 15:14

Ka thupiak tapo la bawl ua leh ka gualte hi’n lau.

GALATIA 3:10

Dan thil hi’ ah kinga tapote chu dan hânsia nuai in a um ngal un; “Dan lekhabu thu kizik zosia gual ah bawl zing lo tapo chu hânsia dawl in um uh hen,” ti zik ahi ngal a.

JAKOB 2:10

Kua’n le dan chu zui kim maleh, mun khat ah a hi’khial chun a leng in maw in a.

JOSHUA 21:43

Chutichun, Lalpa‘n a suanteu kiang ah piak ding ah a la kipau tiamna gam zosia chu, Israelte Inkuan a pia ta’n; gam chu a luau ah, a chêngden tau hi.

JOSHUA 23:16

Lalpa la Pathian un la pom ding ua thuthung a hun piak chu, bawtsia ding ah pathian dangte na la sep ua, a âng ua la khiangkho ua leh, Lalpa lungnatna la chung un kuangjak intin, gam pha tak a hun piakna kipat hin, mangthai pai ngâl ding la hiu, ti he tau in, ti’n a gen tai.