JEREMIAH 32:20 - PATHIAN LEKHABU THIANGTHO (BSI)

²⁰ Aigupta gam ah tepte’na leh, thilmak tam tak la la etsak ah; tu’ni tiang ah Israelte leh nam dang zosiate lak inle, tu’ni chan ah la min mang lo ah um dingin la bawl hi.

JEREMIAH 32:20 ပူးပေါင်းရင်းမြစ်များ

2 SAMUEL 7:23

La mipi Israelte tawhbang kua dang a um em? Lei chung ah kua nam le a Pathian, amau hukdok ding ah pui huai, ama min ding ah kisiam thil lopi leh tizat um takte bawl piak, amau â ding ah nam dangte leh a pathianteu nawdaw piak kua a um ah a hem?

1 KHANGTHU 17:21

Aigupta gam ah kipat la tatdaw la mite ma-âng ah namdangte tawden ah, thil lopi tak leh lau um takte bawl ah, min thupi tak siam piak ding ah Pathian in ama mite hiding ah a hukdaw, la mi Israelte gual hi khawvel ah nam dang kua a um em?

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

SAM 135:9

Aw Aigupta, Pharaoh leh a suakte zosia do ding ah, tepte’na leh thilmak la lak un a la bawl ta ahi.

PAWTDAWNA THU 10:2

Chuleh, la chate leh la tute tiang in Aiguptate bang gual ah a la soisa ka hem ti leh, a lak ua tepte’na thilmak ka bawlte hi la gen theina ding leh, keima hi Lalpa chu ka hi ti a hettheina ding un,” a tia.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 7:3

Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

ISAI 63:14

Phâijawl ah bawng hon a tat ua a chawldam gual un, Lalpa Thagau chun chawldamna a pia’i. Tichun, la min a lopi theina dingin, la mipite chu nang in la pui zing tai.

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

DANIAL 6:28

Tichun, zia Danial chu Darius vaihawm sungsia leh, Persia Lengpa Kuras vaihawm tiang in nuamsa tak in a um den tai.

DANIAL 9:15

Tu’hin, aw Lalpa ka Pathian uh, khut hât tak ah Aigupta gam ah kipat la mite puidok ah, tu’ni tiang ah minthang tak ah umpa ka gilo tau in, nunsia tak in ka la bawl zo tau hi.

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

DAN LEKHABU 11:3

Aigupta gam ah mite leh Aigupta gam ah lengpa Pharaoh chung ah tepte’na leh a thil bawlte zosia,

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 6:22

Chuleh, Lalpa chun, I mit mu ngei un Aigupta gam chung ah te, Pharaoh chung ah te leh a In sung mite zosia chung in, teptênate, thilmak tak leh lau um takte a la bawl tai.

DAN LEKHABU 7:19

patepna nasa tak la mit ngei ua la muu leh, tepte’na leh thilmak a bawlte, a khut ban tha hât leh a bânjak ah Lalpa la Pathian un a hun puidaw dante kha. La mi lau zosia teu chung ah zia gual ma ah chun Lalpa la Pathian un hun bawl ding ahi.