JEREMIAH 32:2 - PATHIAN LEKHABU THIANGTHO (BSI)

² Zia hun ah chun Babulon lengpa sepaite chun Jerusalem khua a ûm ua, jawlnei Jeremiah chu Judai gam ah lengpa In huang sung suangkul ah a tân lai tak ahi’n;

JEREMIAH 32:2 ပူးပေါင်းရင်းမြစ်များ

2 LENGTE 25:1

Babulon Lengpa Nebukadnezar a hung lal ah kipat, a kum kuana ah tha sawmna, zia tha ni sawm a hung tin ni tak ah chun, ama tawh a sepaite chu Jerusalem bulu dingin a hung tau a; panmun a siam ua a kikul chak tau a; khawpi chu a kîmvêl suak kêi in kul in a hung khak khum tau a.

NEHEMIAH 3:25

Uzai chapa Palal in kul kawina jawn ah kipat Lengpa In chungnung zaw kipat ah hung dawkdok Insâng chu a siampha’n. A bân chu, Parosh chapa Pedaiah leh,

SAM 88:8

Ka gual ngaite lei kigamlat sak a; a tizat ding un lei siam tai. Pawtdok kit thei talo ding ah, khâk khum in ka um tai;

JEREMIAH 32:3

zia tak ah chu Judai gam ah Lengpa Zedekiah in a la khum ahi. Zedekiah chun, “Bangatia nang in: Zia khawpi hi Babulon lengpa khut ah pia ding ka hi’n, ama’n la ding ahi;

JEREMIAH 32:8

Zia gual chun ka paneu chapa, Hanamel chu Lalpa gen gual in suangkul huang sung ah chun a hung a, zia gual hin a hung gen a: “Benjamin gam ah Anathoth khua ka lou mun kha kichawk inla, a neitu hi’na leh a tatdawna thuneina chu nang â ahi ngal a; nang â dingin kichawk ta’n,” a hung ti’n. Tichun, Lalpa gen ahi ti ka he tai.

JEREMIAH 33:1

Jeremiah suangkul ah a um sung in, a kiang ah a vêl in Lalpa‘n thu a hun gen a:

JEREMIAH 34:1

Babulon Lengpa Nebukadrezar leh a sepai zosia chun, khawvel ah lenggam zosia leh, a lenggam sung ah mipi zosiate chun Jerusalem khua leh a khawpel zosia a do lai tak un, Lalpa‘n zia gual hin Jeremiah kiang in thu a hun gen a:

JEREMIAH 36:5

Jeremiah in Barukh chu thu a pia, a kiang in, “Lalpa In ah ka lut phal a hita pua’n;

JEREMIAH 37:15

Milian leh lalte chu Jeremiah chung in a lungna ma mau ah, a vuau ah, lekha zikpa Jonathan In suangkul ah chun a khum tau ah; zia tak chu suangkul ding ah siam ahi him a.

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 37:4

Zia hun ah chun, Jeremiah chu suangkul ah khum nailo a hiziak un, mipi lak in a vak tawl tawl nalai hi.

JEREMIAH 38:13

Tichun, khauhual ah chun Jeremiah chu tuikul sung ah kipat chun a khaidok tau a. Tichun, Jeremiah chu gâlvêngte huang sung ah chun a um den tai.

JEREMIAH 38:6

Tichun, Jeremiah chu a man ua, lengpa chapa Malkiah tuikul vêngtute huang sung ah chun, khauhual in Jeremiah chu a khai lut tau a. Zia tuikul sung ah chun tui umlo in, buanthuak ngen a la um nalai ah; Jeremiah chu buanthuak lak in a ketha suk tai.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.