JEREMIAH 32:18 - PATHIAN LEKHABU THIANGTHO (BSI)

¹⁸ Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

JEREMIAH 32:18 ပူးပေါင်းရင်းမြစ်များ

THILSIAM THU 49:24

Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;

2 LENGTE 9:26

‘Lalpa chun, ja’ni ka la mu Naboth thisan thasâng leh a chate thisan thasâng dingin zia mun ngei ah hin dit ding ka hi, ti’n ka kihaksial hi,’ a ti kha. Ziaziakchun, tu’hin paidok inla, Lalpa thu dungzui in, zia mun ngei ah hin pai in,” a tia.

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 89:9

Tui kinawk nasa takte chung in vai la hawm ah; a tui kinawk phat leh nang in la chawlsak sek hi.

PAWTDAWNA THU 34:6

Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

PAWTDAWNA THU 34:7

Sâng tam tak tiang ah khawtuana nei, khawlona, sukkhialna leh gitlona ngaidam ah; thiamlo changte ngaidam ziang lo ah, pate nunsiatna ziak ah, chate leh a tusawnte, suan thumna leh suan li’na tiang ah, phuba la sek,” ti’n a puang tai.

ISAI 10:21

A thibang sunte, Jakob Inkuante lakah a thibang sunte chu, Hatchungnung Pathian lam in hung kihei kit ta’n au.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 31:35

Sûn salvâk ding ah nisa, jan â ding ah thapi leh aksite, um ding dan zosia guanggalpa; tuisuagiat chokphûl ah, a tui kinawkte gitsak zung zung pa, a min Sepai honte Lalpa chun, zia gual hin a gen hi:

JEREMIAH 33:2

Khawvel siamdokpa leh tundin ding dan guanggal ah tungdokpa Lalpa, a min Lalpa chun, zia gual hin a gen hi:

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

DANIAL 2:45

khut ah kisêk hilo, mual ah kipat suangtum hung kilîk in, thîk leh sum-eng leh, tung leh dangka leh, sana hun sep nawn dim dem la mu gual ah chun, hung um ding ahi. Pathian lopi tak chun, tu’nung ah bang gual thil hung um ding a hem ti, lengpa a hun hiatsak ahi chu lam. La mang ah la mu ngei leh a hilchetna chule a dik tak ahi, ti’n a dawnhu tai.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

KISIMNA LEKHABU 14:18

‘Kei Lalpa la Pathian uh hi, lungna vak ziang lo, lungniang leh hepina dim, thiamlona leh bawlkhialna zosia ngaidam ah, a hiziak ah thiamlonate hemil ziang ngai lo, pate thiamlona le chate chung ah, khang thumna leh khang li’na tiang ah, a tu a chateu tiang ah phuba la ziang ka hi,’ la ti ta ngâl a.

MATTHAI 27:25

Ziaphatchun, mipi zosia chun a hun dawnhuu a, “A thisan chu keimau leh ka chateu chung in um ta hen,” a tiu a.

LUKA 6:38

Piau in, tichun nang uh le piak in um in lau; phatchuamngai tak ah te’piak in, a sawt ah sawnchak in, a law ah lawchak in, a dimlêt hial in la ângsung ua sun piak in um ding la hiu, mi la te’piaknau ngai ma a chun nangmaule te’piak ah um ding la hiu, a tia.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

DAN LEKHABU 7:21

Pathian thupi tak leh lau um tak, Lalpa la Pathian uh chun a hun umpi ziakin, amau chu lau kiu in.