JEREMIAH 32:17 - PATHIAN LEKHABU THIANGTHO (BSI)

¹⁷ Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 32:17 ပူးပေါင်းရင်းမြစ်များ

THILSIAM THU 18:14

Lalpa â dingin thil haksa talua a um ah a hem? Ka hun tiam a tun tak leh hung kit ing ka tiu in, Sarah hin chapa nei in a,” a ti piak ta’n.

2 LENGTE 19:15

Hezekiah chu Lalpa kiang in a pauchap ah, zia gual hin a gen a: “Aw Lalpa, Israel Pathian, cherubte chung ah Lalchutpha chupa, Nangma hi Pathian chu la hia, nang bep chu la hi lei ah lenggam zosia chung ah vaihawmpa chu: Nang in van leh lei hi la siam ahi ngal a.

2 LENGTE 3:18

Zia hi Lalpa mit mu ah chun thil neucha bep ahi, Moab la khut un pedok ding ahi.

NEHEMIAH 9:6

Chun, Ezra in, Nangma bep hi Lalpa chu la hi; nang in van leh a sung ah um zosia leh, lei leh a chung ah um zosia leh, tuisuagiat leh a sung ah um zosia hi la siam ah. A leng un hinna la pia’n, van lam ah um zosia’n le a hun ho ui.

JOB LEKHABU 42:2

Bangkim la bawlthei hi ti ka hia’i, la thilbawl guat taphot chu, a dâl thei bangma a um puai.

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 136:12

khut thahât leh bân jak in, a ngilneina chu kumkhua’n um ding ahi ngal a;

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

ISAI 59:1

Ngai un, Lalpa khut chu, a hukdam thei lo ding ah chom talua a hipua’n, a nakhang chule a hethei lo ding ah ngong talua ahi diak puai.

JEREMIAH 1:6

Ziaphatchun keima’nle, “Katei, Lalpa Pathian! Ka naupang talua nalai in, thu gen dan ka hepuai,” ti’n ka dawnhu a.

JEREMIAH 14:13

Ziaphatchun keima’n, “Katei, Lalpa Pathian! Zia tak ah jawlneite hin a kiang un: Kidona chemjam chu tuak pua’n la tiu in, kialna le tuak lo in zia mun ah hin thamuang tak in um ding la hiu, a tiu a,” ka ti’n.

JEREMIAH 21:2

“Babulon Lengpa Nebukadrezar in ei do tâk mai hi, Lalpa‘n ei panpi dingin ei dot piak in; Lalpa‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

JEREMIAH 27:5

Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

JEREMIAH 32:27

“Ngai in, keima Lalpa hi, mihing zosiate Pathian chu ka hi; kei â dingin a haksa talua bang a um em?” ti in.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

JEREMIAH 4:10

Ziaphatchun, keima’n, “Katei, Lalpa Pathian, zia mipite tawh Jerusalem khawpi hi, la thêm zo na lawm lawm e! Chemjam tawh a gawl uh suktua ahi tiang unle, a kiang un bangma ti pua’n lau, ti’n la thamuan nalai ah,” ka tia.

JEREMIAH 51:15

A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

JEREMIAH 51:19

Jakob chanvo Lalpa chu vang, zia gual chu a hipua’n, thil zosia siamdokpa ahi’n; Israelte hi a gochan namte chu a hiu; sepai honte Lalpa chu a min ahi.

EZEKIEL 11:13

Zia thu chu ka gen lai in, Benaiah chapa Pelatiah chu a thi ta mai a. Ziaphatchun, ka mâichang ah lei tual si’n ka bokkhup ah, aw ngai tak in ka kap ah, “Katei Lalpa Pathian! Israelte lak ah a um nalai sunte that gam mai ding la hem?” ka ti tai.

EZEKIEL 9:8

Mi a vatha sung un kei ngen in ka um ta’n, bokkhup in ka kap ah, “Katei, Lalpa Pathian! Jerusalem ah la lungnatna la butthâk sung hin, Israel mi a um sunte chu that zo vek ziang ding la hem?” ka ti tai.

DANIAL 2:22

Thugil leh kisêlgute a tâklang in, thim ah umte le a hia’n, a kiang in vakna a um hi.

DANIAL 6:20

Danial umna sakeibaknei kul a hun nai phatin, lungngai tak in Danial a hun ko ah: “Aw Danial Pathian suakpa, ginum tak ah a na la sep, la Pathian chun sakeibaknei lak ah kipat in a hun hukdok na em?” a hun tia.

ZEKARIAH 12:1

Israel chung thu ah Lalpa kamsuak chu: Lalpa, vanthamjawl lian tak phaljakpa leh, leilung kingakna siampa leh mihing sunggil ah thagau siampiakpa ngei chun zia gual hin a gen hi:

ZEKARIAH 8:6

Sepai honte Lalpa‘n zia gual hin a gen hi: Tu’lai tak ah nutsia ah umte â dingin zia gual chu thilhithei in kilang lo maleh, kei â dingin ahi’theilo’na bang a um em? Sepai honte Lalpa chun a ti ahi.

KISIMNA LEKHABU 11:23

Lalpa chun Mosi a hun dawnhu ah, Lalpa thilhitheina chun chintawk a nei em? La kiang ah ka thugen chu a guitun leh guitun lo tu’hin mu ding la hi tai, a tia.

MATTHAI 19:26

Jesu’n amau chu a en a, “Zia chu mihing â dingin thil hitheilo a hi; himaleh, Pathian â dingin bangkim ahithei hi,” a tia.

MARKA 10:27

Jesu’n amau chu a hun en ah, a kiang un, “Zia chu mihing â dingin hitheilo ahi, Pathian â dingin vang a hithei hi; bangkim hi Pathian â dingin hi’thei ahi ngal a,” a tia.

LUKA 1:37

Pathian â dingin bangma a hi’theilo umlo ahi,” a tia.

LUKA 18:27

Ama chun a kiang un, “Mihing â ding ah hitheilo chule, Pathian in a hithei sik sek hi,” a tia.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.