JEREMIAH 31:9 - PATHIAN LEKHABU THIANGTHO (BSI)

⁹ Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

JEREMIAH 31:9 ပူးပေါင်းရင်းမြစ်များ

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

SAM 107:7

chêntheina ding khua a pui tung masia, lampi zang tak in a pui tai.

SAM 23:2

Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

SAM 89:27

Ka cha lutîl in siam ing ka tin; lei ah lalte lak ah chungnung pen in siam ing ka.

PAWTDAWNA THU 4:22

Ziaphat chuleh, Pharaoh kiang in, Lalpa chun: ‘Israel hi ka chapa upa pen chu ahi:

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 43:20

Gamlak sate’n ei hun ja intiu in, si-al leh vagawlsauten le ei hun ja ta’n au; gamthip ah tui ka piak ah, gamkeu ah luiliante luansak in, ka mi têlchuamte dawn ding ka piak ah,

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 57:14

Zia phat chuleh, “In bawl unla, bawltûp un, lampi siam tau in; ka mipite hungna ding dâl thei zosia ladok sik sek un,” hun ti ta’n au.

ISAI 63:13

tuili thûk tak pui gâlkâipa kha, khoilam tung ahi tam? Gamkeu ah sakol gual in a kisui kha puau hi.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 64:8

Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

JEREMIAH 3:4

Tu’tak chun la, He pa, ka khangdawng lai ah ka gualpa la hi, lei ti hen;

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 50:4

Zia hun lai ah chun, Israelte leh Judate chu hung khawm in tiu in, Lalpa a Pathian uh chu kap kawm kawm in hun hawl in au, Lalpa‘n a tii.

HOSEA 12:4

Vansawlchâk tawh a kibuan un, a buan zo ta’n, kap pum in a maljawlna a don a; Bethel ah a kituakpi ah, zia chun a kiang in thu a gen tai.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

MALAKI 2:10

I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?

KISIMNA LEKHABU 2:18

Tum lam kâi ah chun Ephraim phung ah mite’n, amau pawl dungzui in giamun a siam diu ahi. Ephraim phung ah mite lamkai ding chu Amminadab chapa Elishama hi’ntin;

MATTHAI 3:3

Ama chu ahi, jawlnei Isai in: Gamthip ah mi kiko chun, “Lalpa lamlian siamtup unla, a lampite siamzang ta un, a tii,” ti ah a gen kha.

MATTHAI 5:4

Lusûnte chu mi hampha a hiu; Pathian in thamuan ding ahi ngal a.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

LUKA 6:21

Tu ah gilkialte hi mi hampha la hiu, hung vâ ding la hingal un. Tu’hun ah kapte hi mi hampha la hiu, hung nui ding la hingal un,” a tia.

ROMTE 8:26

Zia gual ah chun, Thagau chun I hatlonateu ah ei panpi sek in, eimau hin bangti pauchap ding I hiu em ti I hepuau in, zia Thagau ngei chun gen daw theilo khop ah nasa zaw’n ei dot piak in a la thûm sek hi.

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

DAN LEKHABU 14:1

Nanghaw hi Lalpa la Pathian uh chate la hitau ah. Mithi sûn ziak in la kihiliam ding uh ahi pua’n, la chalsam uh le la met lo ding uh ahi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

HEBRAITE 12:13

kengbaite kiloisak lo ah, hi’dam ahi’na ding un, la kengteu â dingin lamzang kisiam un.

HEBRAITE 12:23

van ah min kikhum masate kikhopna, mi zosia chung ah vaihawmpa Pathian leh midikte thagau sukbukim ah umte kiang;

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.