JEREMIAH 31:7 - PATHIAN LEKHABU THIANGTHO (BSI)

⁷ Lalpa‘n zia gual hin a gen hi: Jakob â dingin kipakna Lâ ngai tak in sau inla, namtin lak ah lopi penpa pâkna’n kiko un; ama pâkcha’n, “Aw Lalpa, la mipi, Israel um sunte chu hukdam in,” ti ah kiko in, puangjak un.

JEREMIAH 31:7 ပူးပေါင်းရင်းမြစ်များ

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 126:2

Zia lai ah khan I kam uh nuina’n a dim in, I lei uh le limna’n a dim a: “Amau â dingin Lalpa‘n thil lopi takte a bawl piak hi,” ti’n namtin in a gen a tiu hi.

SAM 14:7

Aw, Israelte hukhinna chu Zion ah kipat in, hung pawt ta mai leh aw! Lalpa‘n a mite vangphatna a piak kit phat leh, Jakob kipak ta’n tin; Israel le lim ta’n a.

SAM 28:9

Aw, la mite hukhing inla, la gochan chu maljawl ta’n; amau haw ching inla, kumkhua’n kaitua ta’n.

SAM 67:1

Pathian in ei hepi hen la, ei maljawl ta hen; a mêl chu I chung un vâk hen; (Selah)

SAM 69:35

Pathian in Zion chu hukdok in, Judah khawpite chu tungding kit ding ahi ngal a; a suakte chu zia tak ah chun chêng intiu in, nei den ta’n au;

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 37:31

Judah Inkuan ah mi, a um nalai sunte chun, nuai lam ah a zung uh tha’n, chung lam ah ga hun sua kit ta’n au;

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 52:8

Ngai un! La gâlvêngteu in aw a sua ui, a leng un kipak in La a sa khawm ui; Zion ah Lalpa hung kit chu, a mit chiat un a mu ta’ngâl un.

ISAI 61:9

A tu leh chateu chu, namtin lak ah minthang tak in um intiu in, a suan leh pâkteu chu, mi tin lak ah challang tak hung hita’n au; amau mu kha zosia chun, ziate hi Lalpa maljawlna dongte kha a hiu, ti he ziang thei in au.

JEREMIAH 20:13

Lalpa kiang ah La sau inla, Lalpa chu chawihoi tau in! Thil phalo bawlte khut ah kipat in, panpi ngaite chu a la hukdok ta’ngal a.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

EZEKIEL 6:8

Himaleh, la lak un khenkhat hawi ding ka hi. La lak ua khenkhat nam dangte lak ah um in chemjam ah kipat suakcha’n, gam tin ah thêchek in um ta’n lau.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

ROMTE 11:5

Zia gual ma chun tu’hin le Pathian in a jangaina ziak ah mi a têlte khenkhat a um zing ui.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

DAN LEKHABU 28:13

Tu’ni zui ding leh bawl ding ah ka hun thupiak gual ah hin pathian dangte nungdel ah, a nau sêm ding ah, veilam a hem, changlam a hem ah la pêtmang lo ua, Lalpa Pathian thupiakte chu pha tak cha la zui phot ua leh;

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.