JEREMIAH 31:5 - PATHIAN LEKHABU THIANGTHO (BSI)

⁵ Samaria tânggamte ah chun, grep phu’kit in la tiu in; a phute ngei chun a ga chu ne’n au.

JEREMIAH 31:5 ပူးပေါင်းရင်းမြစ်များ

SAM 107:37

loute a bawl un, grepte a phu un, ga tam tak a luak khawm ui.

JEREMIAH 32:15

Sepai honte Lalpa, Israelte Pathian in zia gual hin a gen ngal a: Zia gam ah hin Inte, loute leh grep huante chu kichawk tua kit hung hi’n a, ti in.

EZEKIEL 28:26

Bit tak in chêng ta’n tiu in, a In ding uh kisak in, a grep huanteu kibawl ta’n au. Amau simmaw ma ma a Invêngteu zosia chung ah vai ka hawm phat leh, bit tak in chêng ta’n au. Chun, Keima hi Lalpa a Pathian uh ka hi dan hun he ta’n au, ti’n a gen a.

EZEKIEL 36:8

Himaleh, nanghaw Israel mualte haw, ka mipi Israelte â dingin la bâk jamteu in ga hun sua ding la hiu; In lam ah hung kit pai ding la hi’ngal un.

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

OBADIAH 1:19

Negeb ah umte chun Esau tâng chu, lua ta’n tiu in, Shephelah mun ah umte chun, Philistinte gam chu lua intiu in, Ephraim leh Samaria gam zosia chule chang ta’n au; Benjamin in Gilead gam lua ta’n a.

MIKAH 1:6

Ziaziakchun, Samaria chu, buaksia sunkhawmna vum mai leh, grep kiphu’na mun in siam ding ka hi. Khawpi sung ah suangte chu, phâi guam lam in likmang sik sek ing ka; tichun, khawpi suangphûmte chu, laidok sik sek ding ka hi.

MIKAH 4:4

mi tin amau grep bawk nuai leh, a theichang kung nuai chiat un kichu ta’n tiu in, kuama’n hilauthawng ta pua’n au; tin sepai honte Lalpa chun a gen ta’ngal a.

ZEKARIAH 3:10

Ziaphat chuleh, mitin in a grep gui leh a theichang kung lim nuai chiat un, amau Invêngte hun kichial khawm thei chiat ta’n au, Lalpa‘n a ti ahi,” a tia.

DAN LEKHABU 20:6

Grep huan siam ngâl ah a ga ne nai lo la um awm? In lam ah chia kit hen la, a grep huan ah ga chu va ne phot hen; achutiloleh, gâldona mun ah hung thi’n tin, a grep huan ah gate chu mi dang khat in ne masa ziang kha’n a.

DAN LEKHABU 28:30

La ji ding ua la hualsau chu pawsal dang khat in a la luppi ta’n au. In sa maleu chin chêng pua’n lau. Grep huan bawl maleu chinle ne diak pua’n lau.

1 SAMUEL 21:5

David in thiampu kiang ah chun, “Gâl do ding ah ka kuan si’n ua leh, numei lak ah kikoi thiangtho zosa ngen ka hiu ah; nasep vantang ding ah ka kuan tak uh le bawn tangvalte hi kikoi thiangtho sek ka hiu leh, tu’ ah na poimaw tak nei ah hung kuante vang vang hi bang gual bep in a thiangtho ta ding awm?” ti’n a dawnhu tai.